ମୁମ୍ବାଇ: ଗତ ମାସରେ ବଲିଉଡର ଦୁଇ ବିଶିଷ୍ଟ ଅଭିନେତା ଇରଫାନ ଖାନ ଓ ଋଷି କପୁରଙ୍କ ନିଧନରେ ଏଯାବତ ଦୁଃଖି ନଜର ଆସୁଛନ୍ତି ଫ୍ୟାନ୍ସଙ୍କଠୁ ନେଇ ସେଲିବ୍ରିଟି । ଏହି ଦୁଃଖ ଭୁଲିନଥିବା ବେଳେ ଶାହରୁଖ ଖାନଙ୍କୁ ଆଉ ଏକ ବଡ ଝଟକା ଲାଗିଛି । ତାଙ୍କ ଖାସ୍ ବନ୍ଧୁ ତଥା ରେଡ ଚିଲିଜ ଏଣ୍ଟରଟେନମେଣ୍ଟ ସଦସ୍ୟ ଅଭିଜିତଙ୍କ ନିଧନରେ ପୁଣି ନିରାଶ ହୋଇପଡିଛନ୍ତି ସେ । ଏହାର ସୂଚନା ସେ ଟ୍ବିଟରେ ସମସ୍ତଙ୍କୁ ଦେଇଛନ୍ତି ।
ବନ୍ଧୁ ଅଭିଜିତଙ୍କୁ ହରାଇ ଦୁଃଖରେ କିଙ୍ଗ ଖାନ - ବିଶିଷ୍ଟ ଅଭିନେତା ଇରଫାନ ଖାନଙ୍କ ମୃତ୍ୟୁ
ଦୁନିଆକୁ ଅଲବିଦା କହିଲେ ଶାହରୁଖଙ୍କ ବନ୍ଧୁ ତଥା ତାଙ୍କ ପ୍ରଡକ୍ସନ ହାଉସ ରେଡ ଚିଲିଜ ଏଣ୍ଟରଟେନମେଣ୍ଟର ସଦସ୍ୟ ଅଭିଜିତ । ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳୀ ଦେଲେ କିଙ୍ଗ ଖାନ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ
ସେ ତାଙ୍କୁ ଶ୍ରଦ୍ଧାଞ୍ଜଳୀ ଦେଇ ଲେଖିଛନ୍ତି, ‘ରେଡ ଚିଲିଜ ପରିବାରର ପ୍ରଥମ ଟିମ ସଦସ୍ୟ ଅଭିଜିତଙ୍କ ନିଧନ ଆମକୁ ବଡ ଆଶ୍ଚର୍ଯ୍ୟ କରି ଦେଇଛି । ଆମେ ସବୁବେଳେ ତାଙ୍କୁ ମନେ ପକାଇବୁ । ତାଙ୍କ ଆତ୍ମକୁ ଶାନ୍ତି ମିଳୁ । ଆମର ସମବେଦନା ତାଙ୍କ ପରିବାର ଓ ବନ୍ଧୁବାନ୍ଧବଙ୍କ ସହ ଅଛି।’
ପ୍ରକାଶ ଥାଉକି ଅଭିଜିତଙ୍କ ବ୍ୟତୀତ ସାଉଥ ଇଣ୍ଡଷ୍ଟ୍ରିର ଫେମସ ନିର୍ଦ୍ଦେଶକ ଏଭି. ଅରୁଣ ପ୍ରସାଦ ଓ ହିନ୍ଦୀ ଟେଲି ଜଗତର ଫେମସ ଅଭିନେତା ସଚିନ କୁମାରଙ୍କ ଦେହାନ୍ତ ଶୁକ୍ରବାର ହୋଇଛି । ଯାହାକୁ ନେଇ ସବୁ ମହଲରେ ଶୋକର ଛାୟା ଖେଲିଯାଇଛି । ଅକ୍ଷୟ କୁମାରଙ୍କ ପିଉସି ପୁଅ ଥିଲେ ସଚିନ । ଯିଏ ‘କାହାନୀ ଘର ଘର କି’ ଓ ‘ଲଜ୍ୟା’ ଭଳି ସିରିୟଲରେ ଶାନଦାର ଅଭିନୟ କରି ଦର୍ଶକଙ୍କ ମନ କିଣିଥିଲେ ।