ନୂଆଦିଲ୍ଲୀ: ବଲିଉଡ ସୁପରଷ୍ଟାର ଶାହରୁଖ ଖାନ ଫିଲ୍ମ ଇଣ୍ଡଷ୍ଟ୍ରିର କିଙ୍ଗ ହେବା ସହିତ ଆଇପିଏଲ ଟିମ କେକେଆରର ମାଲିକ ଅଟନ୍ତି।
ନିକଟରେ ଚେନ୍ନାଇରେ ଖେଳାଯାଇଥିବା ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଠୁ ହାରିଯାଇଥିଲା କେକେଆର । ମୁମ୍ବାଇ ଇଣ୍ଡିଆନ୍ସର 152 ରନର ଲକ୍ଷ୍ୟକୁ ପିଛା କରି ନିର୍ଦ୍ଧାରିତ ଓଭର 142 ରନ କରି 10 ରନରେ ପରାଜିତ ହୋଇଛି କୋଲକାତା ନାଇଟ ରାଇଡର୍ସ ।
ଏହି ସମୟରେ, ଏହି ପରାଜିତ ପରେ କେକେଆର ପ୍ରଶଂସକମାନେ ବହୁତ ରାଗିଯାଇଛନ୍ତି । ପ୍ରଶଂସକଙ୍କ ଅସନ୍ତୋଷ ଦେଖି ବଲିଉଡର କିଙ୍ଗ ଖାନ ନିଜେ ଏକ ଟ୍ବିଟରେ କେକେଆରଙ୍କ ହାରିବା ନେଇ ଫ୍ୟାନ୍ସଙ୍କୁ କ୍ଷମା ମାଗିଛନ୍ତି।
ଶାହରୁଖ ଏହି ଟ୍ବିଟରେ ଲେଖିଛନ୍ତି ଯେ, ନିରାଶାଜନକ ପରଫର୍ମମାନ୍ସ, ସଂକ୍ଷେପରେ କହିବି, ମୁଁ ସମସ୍ତ କୋଲକାତା ନାଇଟ ରାଇଡର୍ସ ପ୍ରଶଂସକଙ୍କୁ କ୍ଷମା ମାଗିବାକୁ ଚାହେଁ।
ପ୍ରକାଶ ଥାଉ କି, ଶାହାରୁଖଙ୍କ ଏହି ଟୁଇଟ୍ ପରେ ଟିମର ସ୍ପିନର ହରଭଜନ ସିଂ ମଧ୍ୟ ଏକ ଟୁଇଟ୍ କରି ଲେଖିଛନ୍ତି, ନିରାଶାଜନକ।
