ସଲମାନଙ୍କ ଗୀତରେ ଶାହରୁଖ-କାଜଲଙ୍କ ଠୁମକା

ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ସେଲିବ୍ରିଟିଙ୍କ ପୁରୁଣା ଭିଡିଓ। ଏହି କ୍ରମରେ ଏବେ ସାମିଲ ହୋଇଛନ୍ତି ଶାହରୁଖ-କାଜଲ।

ମୁମ୍ବାଇ: ଲକଡାଉନରେ ସେଲିବ୍ରିଟି ନିଜ ନିଜ ଘରେ ସମୟ ବିତାଉଛନ୍ତି। ଆଉ ଫ୍ୟାନ୍ସଙ୍କ ପାଇଁ ସବୁଠୁ ମଜାଦାର କଥା ହେଲା ଯେ ସେଲିବ୍ରିଟି ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଆକ୍ଟିଭ ହୋଇଯାଇଛନ୍ତି। ଆଉ ଲକଡାଉନରେ ଫ୍ୟାନ୍ସଙ୍କୁ ମନୋରଞ୍ଜନ କରିବା ପାଇଁ ଫ୍ୟାନକ୍ଲବ ପେଜରେ ଷ୍ଟାର୍ସଙ୍କ ଅନେକ ମଜାଦାର ଭିଡିଓ, ଫଟୋ ଭାଇରାଲ କରାଯାଉଛି। ଇତିମଧ୍ୟରେ ସୁପରଷ୍ଟାର ଶାହରୁଖ ଖାନ ଓ କାଜଲଙ୍କ ଏକ ଥ୍ରୋବ୍ୟାକ ଭିଡିଓ ସୋସିଆଲ ମିଡିଆରେ ଛାଇଯାଇଛି । କାରଣ ଏହି ଯୋଡି ଫ୍ୟାନ୍ସଙ୍କ ଫେଭରେଟ ଯୋଡି ମଧ୍ୟରେ ଅନ୍ୟତମ।

ଭାଇରାଲ ହେଉଥିବା ଭିଡିଓରେ କାଜଲ-ଶାହରୁଖ ଭାଇଜାନ ସଲମାନ ଖାନଙ୍କ ‘ପ୍ରେମ ରତନ ଧନ ପାୟୋ’ ଫିଲ୍ମର ଟାଇଟେଲ ଗୀତରେ ଜବରଦସ୍ତ ଡାନ୍ସ କରୁଥିବାର ନଜର ଆସୁଛନ୍ତି । ଆଉ ତାଙ୍କ ସହ ହ୍ୟାଣ୍ଡସମ ଆକ୍ଟର ବରୁଣ ଧୱନ ଓ କ୍ରିତି ସାନନ ମଧ୍ୟ ଡାନ୍ସ କରୁଥିବାର ଦେଖାଯାଉଛନ୍ତି ।

ପ୍ରକାଶ ଥାଉକି ଏହି ଭିଡିଓଟି 2015ର । ଯେଉଁ ସମୟରେ ଏହି ଷ୍ଟାର୍ସଙ୍କ ଫିଲ୍ମ ‘ଦିଲୱାଲେ’ର ସୁଟିଂ ଶେଷ ହୋଇଥିଲା । ଫିଲ୍ମ ସୁଟିଂ ଶେଷ ଅବସରରେ ପାର୍ଟ ଧୁମ ମଚାଇଥିଲେ ଏହି ଷ୍ଟାର୍ସ ।