ରଙ୍ଗୀନ ଟାଟୁରେ ଶାହିଦଙ୍କୁ ହୋଲି ଶୁଭେଚ୍ଛା ଜଣାଇଲେ ମୀରା

ସୋସିଆଲ ମିଡିଆରେ ଭାଇରାଲ ହେଲା ମୀରା ରାଜପୁତଙ୍କ ନୂଆ ଫଟୋ । ସବୁବେଳେ ସୋସିଆଲ ମିଡିଆରେ ସ୍ବାମୀଙ୍କ ସହ ଫଟୋ ସେୟାର କରୁଥିବା ମୀରା ଏଥର ନିଜର ଫଟୋ ସେୟାର କରି ଚର୍ଚ୍ଚାରେ।

ମୁମ୍ବାଇ: ହୋଲି ଅବସରରେ କ୍ୟୁଟ ଆକ୍ଟର ଶାହିଦ କପୁରଙ୍କ ପତ୍ନୀ ମୀରା ରାଜପୁତ ସ୍ବାମୀଙ୍କୁ ଶାନଦାର ଉପହାର ଦେଇଛନ୍ତି। ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହୁଥିବା ମୀରା ବର୍ତ୍ତମାନ ନିଜର ନୂଆ ଫଟୋକୁ ନେଇ ଚର୍ଚ୍ଚାରେ । ସବୁବେଳେ ସ୍ବାମୀଙ୍କ ସହ ଫଟୋ ସେୟାର କରୁଥିବା ମୀରା ଏଥର ନିଜ ବେକର ଏକ ଫଟୋ ସେୟାର କରିଛନ୍ତି। ହୋଲି ଅବସରରେ ସେ ଶାହିଦଙ୍କ ପାଇଁ ସୋସିଆଲ ମିଡିଆରେ ପୁଣିଥରେ ପ୍ରେମ ପ୍ରକାଶ କରିଛନ୍ତି।

ମୀରା ଇନଷ୍ଟାଗ୍ରାମରେ ଯେଉଁ ଫଟୋ ସେୟାର କରିଛନ୍ତି ସେଥିରେ ଆପଣ ତାଙ୍କ ବେକରେ ଲେଖାଯାଇଥିବା ଏସ.କେ ତଥା ଶାହିଦ କପୁର ଦେଖିପାରିବେ। ରଙ୍ଗରେ ତିଆରି ହୋଇଥିବା ତାଙ୍କ ବେକର ଏହି ଟାଟୁକୁ ଖୁବ୍ ପସନ୍ଦ କରିବାରେ ଲାଗିଛନ୍ତି ତାଙ୍କ ଫ୍ୟାନ୍ସ। ମୀରା ସ୍ବାମୀଙ୍କୁ ହୋଲି ଶୁଭେଚ୍ଛା ଜଣାଇବାକୁ ଯାଉ ନିଜ ବେକରେ ଲାଲ ରଙ୍ଗରେ ଏସ.କେ ଲେଖିଛନ୍ତି। ଏହାସହ ସେ ହୃଦୟର ଚିତ୍ର ମଧ୍ୟ କରିଛନ୍ତି।

ଫଟୋ ସେୟାର କରି କ୍ୟାପସନରେ ସେ ଲେଖିଛନ୍ତି, ‘ଟେକ୍ନିକଲରରେ ଲଭ ଲାଇଫ।’ ହେଲେ ଏଯାବତ ମୀରାଙ୍କ ଟାଟୁ ଉପରେ ଶାହିଦଙ୍କ କୌଣସି ପ୍ରତିକ୍ରିୟା ଏଯାବତ ସାମ୍ନାକୁ ଆସିନାହିଁ । ଆପଣ ମଧ୍ୟ ଦେଖନ୍ତୁ ମୀରାଙ୍କ ଏହି ଶାନଦାର ଟାଟୁ ...