ରାଗିଲେ ଶାହିଦ, ମିଡିଆକୁ ଦେଲେ କଡା ଜବାବ

କିସିଂ କଥାକୁ ନେଇ ଶାହିଦଙ୍କ ରାଗ । ରିପୋର୍ଟରକୁ ଜବାବରେ ପ୍ରଶ୍ନ କଲେ ତୁମର କେହି ଗାର୍ଲଫ୍ରେଣ୍ଡ ନାହାଁନ୍ତି କି ?

ମୁମ୍ବାଇ: ଶାହିଦ କୁପରଙ୍କ ଅପକମିଂ ଫିଲ୍ମ 'କବୀର ସିଂହ' ର ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଫିଲ୍ମରେ ତାଙ୍କ ଅପୋଜିଟ ଅଭିନେତ୍ରୀ କିୟାରା ଆଡୱାନୀ ନଜର ଆସିବେ । ନିକଟରେ ଫିଲ୍ମର ଜବରଦସ୍ତ ଟ୍ରେଲର ଲଞ୍ଚ ହୋଇଥିଲା । ଲଞ୍ଚିଂ ଇଭେଣ୍ଟରେ ଶାହିଦ ଓ କିୟାରା ସାମିଲ ହୋଇଥିବା ଦେଖାଯାଇଥିଲେ । ଦୁଇଜଣ ଫିଲ୍ମର ନିଜ ନିଜ ଭୂମିକା ବିଷୟରେ ମିଡିଆ ସହ ଆଲୋଚନା କରିଥିଲେ ।

ଏହି ଅବସରରେ ଜଣେ ରିପୋର୍ଟରଙ୍କ ପ୍ରଶ୍ନରେ ନାରାଜ ହୋଇଯାଇଥିଲେ ଶାହିଦ । କଥାଟି ହେଲା କି ଜଣେ ରିପୋର୍ଟର କିୟାରାଙ୍କୁ ପ୍ରଶ୍ନ କରିଥିଲେ କି ଫିଲ୍ମରେ କେତେ କିସିଂ ସିନ ଅଛି? ପ୍ରଥମେ ପ୍ରଶ୍ନ ଶୁଣି କିୟାରା ହସିଥିଲେ ପରେ କହିଥିଲେ କି ସେ ଜାଣିନାହାଁନ୍ତି । ଏହି ପ୍ରଶ୍ନ ଯେତେବେଳେ ଶାହିଦଙ୍କୁ ପଚରା ଗଲା ତେବେ ସେ ଚିଡିଯାଇଥିଲେ । ଆଉ ସଙ୍ଗେ ସଙ୍ଗେ ରିପୋର୍ଟକୁ କହିଥିଲେ କି ତୁମର କଣ ଦୀର୍ଘ ସମୟରୁ କେହି ଗାର୍ଲଫ୍ରେଣ୍ଡ ନାହାଁନ୍ତି କି ? ତୁମେ କିସିଂ ବ୍ୟତୀତ ଅନ୍ୟ ପ୍ରଶ୍ନ କାହିଁକି କରୁନାହଁ । ଆମେ ଫିଲ୍ମରେ ଅଭିନୟ ମଧ୍ୟ କରିଛୁ ।

ଶାହିଦଙ୍କ ଏହି କଥାରୁ ଲାଗୁଛି କି ସେ ପବ୍ଲିକ ପ୍ଲେସରେ କିସିଂ ସିନକୁ ନେଇ ସେ ସହଜ ମନେ କରନ୍ତି ନାହିଁ । ପ୍ରକାଶ ଥାଉକ ଶାହିଦଙ୍କ ଫିଲ୍ମ 'କବୀର ସିଂହ' ଆସନ୍ତା ଜୁନ 21ରେ ପରଦାରେ ଆସିବାକୁ ଯାଉଛି ।