ମୁମ୍ବାଇ:ଫିଲ୍ମ ମେକର ଅଲ୍ଲୀ ଅବାସ ଜଫରଙ୍କ ଆଗାମୀ କ୍ରାଇମ-ଆକ୍ସନ-ଡ୍ରାମା ଫିଲ୍ମରେ ନଜର ଆସିବାକୁ ଯାଉଛନ୍ତି କବୀର ସିଂ ଆକ୍ଟର ଶାହିଦ କପୁର । ଏହି ଫିଲ୍ମର ସୁଟିଂ ଦୁବାଇରେ ଆରମ୍ଭ ହୋଇଛି । ଏହି ଫିଲ୍ମର ଟାଇଟଲ ସ୍ଥିର ହୋଇନଥିବା ବେଳେ ଏଥିରେ ଶାହିଦ ଜଣେ ପୋଲିସ ଭୂମିକାରେ ନଜର ଆସିବେ । ତେବେ ଫିଲ୍ମର ସୁଟିଂ ଆରମ୍ଭ ସମ୍ପର୍କରେ ଶାହିଦ ନିଜ ସୋସିଆଲ ମିଡ଼ିଆ ଜରିଆରେ ଏକ ଫଟୋ ପୋଷ୍ଟ କରି ସୂଚନା ଦେଇଛନ୍ତି ।
ସୋସିଆଲ ମିଡ଼ିଆରେ ଏହି ୪୦ ବର୍ଷୀୟ ଷ୍ଟାର ଜଫରଙ୍କ ସହିତ ଏକ କ୍ୟାଣ୍ଡିଣ୍ଡ ଫଟୋ ସେୟାର କରିଛନ୍ତି ଏବଂ ଏଥିରେ ସେ ଅନେକ ଆକ୍ସନ କରିବାକୁ ଯାଉଛନ୍ତି ବୋଲି ସୂଚନା ଦେଇଛନ୍ତି । ଜଫର ମଧ୍ୟ ଫିଲ୍ମର ସୁଟିଂ ଆରମ୍ଭ ସମ୍ପର୍କରେ ସୋସିଆଲ ମିଡ଼ିଆରେ ପୋଷ୍ଟ କରି ସୂଚନା ଦେଇଛନ୍ତି । ଏହି ଫିଲ୍ମଟି ୨୦୧୧ ଫ୍ରେଞ୍ଚ ଫିଲ୍ମ Nuit Blanche (Sleepless Night)ର ରିମେକ ବୋଲି ସୂଚନା ମିଳିଛି । ସାଉଥ ସୁପରଷ୍ଟାର କମଲ ହାସନ ମଧ୍ୟ ତାମିଲ ଭାଷାରେ ଏହି ଫିଲ୍ମରେ ଅଭିନୟ କରିଥିବା ଜଣାପଡ଼ିଛି ।