ପତ୍ନୀଙ୍କ ପ୍ରଶଂସାରେ ଶାହିଦ କପୁର

ସୋସିଆଲ ମିଡିଆରେ ପତ୍ନୀ ମୀରା ରାଜପୁତଙ୍କ ଫଟୋରେ ମଜାଦାର କମେଣ୍ଟ କରି ଚର୍ଚ୍ଚାରେ ଶାହିଦ କପୁର। ସୂର୍ଯ୍ୟ ସହ ପତ୍ନୀଙ୍କୁ ତୁଳନା କରିଛନ୍ତି ସେ। ଫଟୋ ଭାଇରାଲ।

ମୁମ୍ବାଇ: କ୍ୟୁଟ ଆକ୍ଟର ଶାହିଦ କପୁର ଓ ତାଙ୍କ ପତ୍ନୀ ମୀରା ରାଜପୁତ ବଲିଉଡର ହଟ୍ କପଲ୍ସ ମଧ୍ୟରୁ ଅନ୍ୟତମ। ଏହି ଯୋଡିକୁ ପ୍ରାୟତଃ ଡିନର ଡେଟ, ୱାର୍କଆଉଟ ସେଶନରେ ଦେଖିବାକୁ ମିଳିଥାଏ । ଏହାବ୍ୟତୀତ ଶାହିଦ ଓ ମୀରାଙ୍କ ପ୍ରେମ ସୋସିଆଲ ମିଡିଆରେ ମଧ୍ୟ ଛାଇ ରହିଥାଏ। ଇତିମଧ୍ୟରେ ପତ୍ନୀଙ୍କ ଫଟୋ ଉପରେ ମଜାଦାର କମେଣ୍ଟ କରି ଚର୍ଚ୍ଚାରେ ଆସିଛନ୍ତି ଶାହିଦ। ଫଟୋରେ ସେ ମୀରାଙ୍କ ପ୍ରଶଂସା କରିବାରେ ଥକିନାହାଁନ୍ତି।

ସୋମବାର ମୀରା ପରିବେଶକୁ ଉପଭୋଗ କରୁଥିବାର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ। ଯେଉଁଥିରେ ତାଙ୍କ ବ୍ୟାକଗ୍ରାଉଣ୍ଡରେ ସୂର୍ଯ୍ୟ ଉଦୟ ହେଉଥିବାର ଦେଖିବାକୁ ମିଳୁଛି । ବାସ ଏହାପରେ ଆଉ କ’ଣ ଥିଲା । ସଙ୍ଗେ ସଙ୍ଗେ ଶାହିଦ ପତ୍ନୀଙ୍କ ତୁଳନା ସୂର୍ଯ୍ୟ ସହ କରିଦେଇଥିଲେ। ସେ କମେଣ୍ଟରେ ଲେଖିଥିଲେ,‘ଆପଣଙ୍କ ତୁଳନାରେ ସୂର୍ଯ୍ୟ ଫିକା ଦେଖାଯାଉଛି।’

ପ୍ରକାଶ ଥାଉକି ଶାହିଦ ବର୍ତ୍ତମାନ ନିଜର ଆଗାମୀ ଫିଲ୍ମ ‘ଜର୍ସି’କୁ ନେଇ ଖୁବ୍ ବ୍ୟସ୍ତ ଅଛନ୍ତି। ଏହି ଫିଲ୍ମରେ ସେ ଜଣେ କ୍ରିକେଟର ଭୂମିକାରେ ନଜର ଆସିବେ । ‘ଜର୍ସି3 ସୁପରହିଟ୍ ତେଲୁଗୁ ଫିଲ୍ମର ହିନ୍ଦୀ ରିମେକ । ଫିଲ୍ମକୁ ଆସନ୍ତା ବର୍ଷ ଅଗଷ୍ଟ 28ରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ଏହାପୂର୍ବରୁ ଶାହିଦ ତେଲୁଗୁର ବ୍ଲକବଷ୍ଟର ଫିଲ୍ମ ‘ଅର୍ଜୁନ ରେଡ୍ଡୀ’ ହିନ୍ଦୀ ରିମେକ ଫିଲ୍ମ କବୀର ସିଂରେ ଅଭିନୟ କରିଥିଲେ। ଯାହା ସୁପରହିଟ୍ ସାବ୍ୟସ୍ତ ହୋଇଥିଲା।