ହାଇଦ୍ରାବାଦ: ଲୋକପ୍ରିୟ ଟିଭି ଅଭିନେତା ଶାହିର ଶେଖଙ୍କ ପିତାଙ୍କର ଦେହାନ୍ତ ହୋଇଛି। ନିକଟରେ ଶାହିର ଶେଖ ଟ୍ବିଟର ମାଧ୍ୟମରେ ଜଣାଇଥିଲେ ତାଙ୍କ ପିତା କୋରୋନାରେ ସଂକ୍ରମିତ ଅଛନ୍ତି। ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଛି। ତାଙ୍କ ପିତାଙ୍କ ପାଇଁ ପ୍ରାର୍ଥନା କରିବାକୁ ଶାହିର ଶେଖ ପ୍ରଶଂସକମାନଙ୍କୁ ନିବେଦନ କରିଥିଲେ ।
କିନ୍ତୁ ବର୍ତ୍ତମାନ ଶାହିର ଶେଖଙ୍କ ପିତା ଆଉ ନାହାଁନ୍ତି। ବୁଧବାର ଦିନ ତାଙ୍କର ଦେହାନ୍ତ ହୋଇଛି (Shaheer Sheikh father passes away)। ତାଙ୍କ ବନ୍ଧୁ ତଥା ଅଭିନେତା ଅଲି ଗୋନି ଟ୍ବିଟରରେ ଏହି ସୂଚନା ଦେଇଛନ୍ତି। ଅଲି ଗୋନି ଏକ ଟୁଇଟ୍ କରି ଶାହିରଙ୍କ ପିତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଛନ୍ତି।