ମୁମ୍ବାଇ: ବଲିଉଡର କିଙ୍ଗ ଖାନ ଭାବରେ ଜଣାଶୁଣା ଶାହରୁଖ ଖାନଙ୍କ ଫିଲ୍ମ ଇଣ୍ଡଷ୍ଟ୍ରିରେ 29 ବର୍ଷ ପୂରଣ କରିଛନ୍ତି । 1992ରେ ସେ ସ୍ବର୍ଗତ ଅଭିନେତ୍ରୀ ଦିବ୍ୟା ଭାରତୀ ଏବଂ ସ୍ବର୍ଗତ ଅଭିନେତା ଋଷି କପୁରଙ୍କ ସହ ଫିଲ୍ମ 'ଦିୱାନା' ସହିତ ବଲିଉଡରେ ଡେବ୍ୟୁ କରିଥିଲେ। ଏହା ପରେ ସେ 'ଦିଲ୍ ତୋ ପାଗଲ୍ ହେ', 'କୁଛ କୁଛ ହୋତା ହେ', 'ଦିଲୱାଲେ ଦୁଲହାନିଆ ଲେ ଜାୟେଙ୍ଗେ', 'କଭି ଖୁସି କଭି ଗମ' ଭଳି ହିଟ ଫିଲ୍ମ କରି ପ୍ରଶଂସକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି।
ବର୍ତ୍ତମାନ ପର୍ଯ୍ୟନ୍ତ ପ୍ରାୟ 80 ଟି ଚଳଚ୍ଚିତ୍ରରେ କାମ କରିଥିବା ଶାହାରୁଖ ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ ସେୟାର କରିଛନ୍ତି ।
ଏହି ଦୀର୍ଘ ଯାତ୍ରା ପାଇଁ କୃତଜ୍ଞତା ଜଣାଇ ଶାହରୁଖ ଟ୍ବିଟ କରି ଲେଖିଛନ୍ତି, 'ତୁମେ ମୋତେ ପାଖାପାଖି 30 ବର୍ଷ ଧରି ଭଲପାଇବା ଦେଉଛ । ମୁଁ ଅନୁଭବ କଲି ଯେ ମୋ ଜୀବନ ଅଧାରୁ ଅଧିକ ସମୟ ମୁଁ ଆପଣଙ୍କୁ ମନୋରଞ୍ଜନ କରିବାରେ ଅତିବାହିତ କରିଛି । ଆସନ୍ତାକାଲି ମୁଁ ତୁମକୁ ବ୍ୟକ୍ତିଗତ ଭାବରେ ସାକ୍ଷାତ କରିବାକୁ ଏବଂ ମୋର ଭଲପାଇବା ଦେବାକୁ ସମୟ ବାହାର କରିବି । ତୁମର ସମସ୍ତଙ୍କ ଭଲପାଇବା ପାଇଁ ଧନ୍ୟବାଦ'।