ମୁମ୍ବାଇ: ବଲିଉଡ କିଙ୍ଗ ଶାହରୁଖ ଖାନ ଓ ତାଙ୍କ ପତ୍ନୀ ଗୌରୀ ଖାନଙ୍କ ଯୋଡି ଦୁନିଆର ବେଷ୍ଟ ଯୋଡି ମଧ୍ୟରୁ ଅନ୍ୟତମ । ତାଙ୍କ ଲଭଷ୍ଟୋରି ବିଷୟରେ ପ୍ରାୟତଃ ସମସ୍ତଙ୍କୁ ଜଣା। ହେଲେ ଦୁଇଜଣଙ୍କ ଲଭଷ୍ଟୋରିରେ ଥିଲା ଅନେକ ବିବାଦ। ଯାହାର ଖୁଲାସା କିଛି ଦିନ ପୂର୍ବରୁ ଗୌରୀଙ୍କ ଏକ ଭିଡିଓ ହେଉଥିଲା। ତାଙ୍କ ଭିଡିଓରେ ଏହା ଦେଖିବାକୁ ମିଳିଥିଲା ଯେ ଦୁଇଜଣଙ୍କ ପ୍ରେମକାହାଣୀ ଅନେକ ସମସ୍ୟା ଦେଇ ଗତି କରିଥିଲା।
ସେହିପରି ନିକଟରେ ମୁମ୍ବାଇରେ ଆୟୋଜିତ ହୋଇଥିବା ଏଚଟି ମୋଷ୍ଟ ଷ୍ଟାଇଲିଶ ଆୱାର୍ଡ ସମୟରେ ଶାହରୁଖ କିପରି ପତ୍ନୀଙ୍କୁ ମିଛ କହି ହନିମୁନରେ ଧୋଖା ଦେଇଥିଲା ତାହା ଜଣାଇଥିଲେ।
ଶୋରେ ଫେମସ ଅଭିନେତା ବିକ୍କୀ କୌଶଲ, ଶାହରୁଖ ଓ ଗୋରୀଙ୍କ ଏକ ପୁରୁଣା ଫଟୋ ଦେଖାଇଥିଲେ। ଫଟୋକୁ ଦେଖି ଶାହରୁଖ କହିଥିଲେ ଯେ ଏହା ତାଙ୍କ ପସନ୍ଦୀୟ ଫଟୋ ମଧ୍ୟରୁ ଅନ୍ୟତମ। ଆଉ ଏହି ଫଟୋରେ ତାଙ୍କର ଏକ ମଜାଦାର କାହାଣୀ ଲୁଚି ଅଛି।
ସେହି ଫଟୋଟି ତାଙ୍କ ବିବାହ ପରର । ଆଉ ଯେତେବେଳେ ତାଙ୍କ ବିବାହ ହୋଇଥିଲା ସେ ବହୁତ ଗରିବ ଥିଲେ। ହେଲେ ଗୌରୀ ମିଡିଲ କ୍ଲାସ ପରିବାରରୁ ଥିଲେ। ବିବାହ ପୂର୍ବରୁ ସେ ତାଙ୍କୁ କଥା ଦେଇଥିଲେ ଯେ ହନିମୁନ ପାଇଁ ପ୍ୟାରିସ ନେଇକି ଯିବେ। ଆଇଫିଲ ଟାୱର ଦେଖାଇବେ। ହେଲେ ବାସ୍ତବରେ ଏହା ସବୁ ମିଛ ଥିଲା। କାରଣ ତାଙ୍କ ପାଖରେ ସେହି ସମୟରେ ଏତେ ଟଙ୍କା ନଥିଲା କିମ୍ବା ଏୟାର ଟିକେଟ ମଧ୍ୟ।
ଗୌରୀଙ୍କୁ ମିଛ କଥା କହି ସେ ତାଙ୍କୁ ଡାର୍ଜିଲିଂ ନେଇ ବୁଲାଇଥିଲେ । ସେହି ସମୟରେ ତାଙ୍କ ଫିଲ୍ମ ‘ରାଜୁ ବନ ଗୟା ଜେଣ୍ଟଲମ୍ୟାନ’ର ଗୋଟିଏ ଗୀତ ସୁଟିଂ ପାଇଁ ଡାର୍ଜିଲିଂ ଯିବାର ଥିଲା । ଆଉ ତାଙ୍କୁ ଲାଗିଥିଲା ଯେ ଗୌରୀ କେବେ ବିଦେଶ ଯାତ୍ରା କରିନାହାଁନ୍ତି । ତେବେ ସେ ଜାଣିପାରିବେ ନାହିଁ। ତାଙ୍କୁ ପ୍ୟାରିସ କହି ଡାର୍ଜିଲଂ ବୁଲାଇକୁ ନେଇଥିଲେ।
