ଶାହରୁକଙ୍କ ପାଇଁ ଭାବବିହ୍ବଳ କରନ, ସେୟାର କଲେ ଲେଟର

ସୋସିଆଲ ମିଡିଆରେ ଖାସ୍ ଅନ୍ଦାଜରେ ଶାହରୁଖଙ୍କୁ ବର୍ଥଡେ ୱିଶ କଲେ କରନ ଜୋହର। ସେ ତାଙ୍କୁ କେତେ ପ୍ରେମ କରୁଛନ୍ତି ଏକ ଚିଠିରେ ବଖାଣିଛନ୍ତି।

ମୁମ୍ବାଇ: ସୁପରଷ୍ଟାର ଶାହରୁଖ ଖାନ ଓ ଲୋକପ୍ରିୟ ନିର୍ମାତା କରନ ଜୋହରଙ୍କ ବନ୍ଧୁତା ବିଷୟରେ କହିପାରିବା ଖୁବ୍ କଷ୍ଟ । ଦୁଇଜଣ ଏକାଠି କାମ କରି ବଲିଉଡକୁ ସୁପରହିଟ୍ ଫିଲ୍ମର ଉପହାର ଦେଇସାରିଛନ୍ତି । ଆଜି ମଧ୍ୟ ଦୁଇଜଣଙ୍କ ବନ୍ଧୁତା ଦେଖି ବଲିଉଡରେ ଈର୍ଷା କରନ୍ତି ଅନେକ ସେଲିବ୍ରିଟି । ଦୁଇଜଣ ଏକାଠ ‘କଭି ଖୁସି, କଭି ଗମ’, ‘କଭି ଅଲବିଦା ନା କହନା’, ‘କୁଛ କୁଛ ହୋତା ହେ’ ଏବଂ ‘ମାଇଁ ନେମ ଇଜ ଖାନ’ ଭଳି ଶାନଦାର ଫିଲ୍ମରେ କାମ କରିଛନ୍ତି । ଆଜି ଶାହରୁଖଙ୍କ 53ତମ ଜନ୍ମଦିନ ଏହି ଅବସରରେ କରନ ତାଙ୍କୁ କେତେ ପ୍ରେମ କରୁଛନ୍ତି ବୋଲି ଜଣାଇଛନ୍ତି । କରନ ତାଙ୍କ ପାଇଁ ଏକ ସ୍ପେଶାଲ ଲେଟର ଲେଖି ସରପ୍ରାଇଜ କରିଦେଇଛନ୍ତି ।

ଲେଟରରେ କରନ, ଶାହରୁଖଙ୍କ ପାଇଁ ନିଜର ସବୁ ଭାବନା ବଖାଣିଛନ୍ତି । ‘ହାପି ବର୍ଥଡେ ଭାଇ ଶାହରୁଖ । କିଛି ସମ୍ପର୍କ ବଖାଣିବା ପାଇଁ ଦୁନିଆରେ କୌଣସି ଶବ୍ଦ ଅଛି । ମୁଖ୍ୟତଃ ସେହି ସମ୍ପର୍କ ଯେଉଁଥିରେ ଅଧିକ ନିରବତା ଥାଏ । ତୁମେ ସବୁବେଳେ ମୋ ଜୀବନରେ ପ୍ରେରଣାଦାୟକ ରହିଆସୁଛ । ଭାଷଣ ଦେଲା ଭଳି ସେହି ଶିକ୍ଷକ, ଯାହାକୁ ମୁଁ ମୋ ପରିବାର ସଦସ୍ୟ କହିପାରୁଛି । ତୁମ ସହ ମୋର ଜୀବନ ଏବଂ କ୍ୟାରିୟର ଶାନଦାର ଯାତ୍ରା ରହିଅଛି । ଆଉ ଏବେ ବହୁତ କିଛି ଆସିବା ବାକି ଅଛି । ତୁମର ହେବା ପାଇଁ ତୁମକୁ ଧନ୍ୟବାଦ । ଧନ୍ୟବାଦ ମୋ ମା' ଆଉ ସବୁବେଳେ ମୋ ସାଥ ଦେବା ସହ ମୋ ଛୁଆଁ ସାଥ ଦେଉଛ । ମୋ ପିତାଙ୍କ ସବୁଠାରୁ ଭଲ ବନ୍ଧୁ ହେବା ପାଇଁ ଧନ୍ୟବାଦ । ଆଉ ଅଶେଷ ଅଶେଷ ଧନ୍ୟବାଦ ମୋ ବଡ ଭାଇ ସାଜିବା ପାଇଁ’ ବୋଲି ଲେଖିଛନ୍ତି କରନ ।

ସବୁଠାରୁ ମୁଖ୍ୟ କଥା ହେଲା କି କରନ ଲେଟର ଶେଷରେ ଇମୋଶନାଲ ଭରା କ୍ୟାପସନ ଲେଖିଛନ୍ତି, ‘ମୁଁ ତୁମଙ୍କୁ ଏତେ ପ୍ରେମ କରୁଛି ଯେ ତୁମେ କେବେ ମଧ୍ୟ ଏହା ଜାଣିପାରିବ ନାହିଁ ।’ କରନ ଏହି ଲେଟରକୁ ସୋସିଆଲ ମିଡିଆରେ ସେୟାର କରି ଚର୍ଚ୍ଚାରେ ଆସିଛନ୍ତି । ବର୍ତ୍ତମାନ ତାଙ୍କ ଏହି ଲେଟର ଉପରେ ଅନେକ ପ୍ରତିକ୍ରିୟା ସୋସିଆଲ ମିଡିଆରେ ଦେଖିବାକୁ ମିଳୁଛି।