ହାଇଦ୍ରାବାଦ: ମେଗାଷ୍ଟାର ଅମିତାଭ ବଚ୍ଚନ ‘ସି ନାଓ(see now)’ ନାମକ ଏକ କ୍ୟାମ୍ପେନ ଲଞ୍ଚ କରିଛନ୍ତି । ଏହି କାମ୍ପେନରେ ମୁଖ୍ୟତଃ ଉତ୍ତରପ୍ରଦେଶର ପାଞ୍ଚଟି ଜିଲ୍ଲାକୁ ଫୋକସ କରାଯାଇଛି । ଦୃଷ୍ଟିହୀନ ମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇଦେବାକୁ ଏହି କ୍ୟାମ୍ପେନ କାମ କରିବ ।
ଉତ୍ତରପ୍ରଦେଶର ଉନାଓ, ଲକ୍ଷ୍ନୌ, ରାଇବରେଲି, ଲକ୍ଷ୍ମୀପୁରଖେରୀ, ସିତାପୁରକୁ ଧ୍ୟାନରେ ରଖାଯାଇଛି । ରେଡିଓ, ଟେଲିଭିଜନ, ପ୍ରିଣ୍ଟ, ସୋସିଆଲ ମିଡିଆରେ ଜରିଆରେ ଲୋକଙ୍କୁ ସଚେତନ କରାଯିବ । ଏପରିକି ବିଗ-ବି ଏକ ଭିଡିଓ ସେୟାର କରି ଲୋକମାନଙ୍କୁ ମଝିରେ ମଝିରେ ଆଖି ପରୀକ୍ଷା କରିବାକୁ ଉପଦେଶ ଦେଇଛନ୍ତି ।
ସଠିକ ଚିକିତ୍ସା ଦ୍ବାରା ଦୃଷ୍ଟିହୀନତାକୁ ଦୂର କରାଯାଇପାରେ । ତେଣୁ ନିକଟସ୍ଥ ସରକାରି ଡାକ୍ତରଖାନାରେ ମଝିରେ ମଝିରେ ଆଖି ଚିକିତ୍ସା କରେଇବା ଉଚିତ ବୋଲି କହିଛନ୍ତି ଅମିତାଭ । ଫ୍ରେଡ ହୋଲଜ ଫାଉଣ୍ଡେସନ, ଇଜିଲର ଭିଜନ ଫାଉଣ୍ଡେସନ ଦ୍ବାରା ଏହି କ୍ୟାମ୍ପେନର ଆରମ୍ଭ କରାଯାଇଛି । ଏହି ଦୁଇ ଫାଉଣ୍ଡେସନ ସହ ଭିଜନ 2020 ଇଣ୍ଡିଆ ଓ ସାଇଟସେଭର୍ସ ଇଣ୍ଡିଆ ମଧ୍ୟ ଯୋଗ ଦେଇଛି ।