ମୁମ୍ବାଇ:ସତ୍ୟମେବ ଜୟତେ-୨ ରେ ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି ଫିଟ୍ ଆକ୍ଟର ଜନ ଆବ୍ରାହମ । ଏହି ଫିଲ୍ମରେ ସେ ଅନ୍ୟାୟ, ଦୁର୍ନୀତି ଓ କ୍ଷମତାର ଅପବ୍ୟବହାର ଆଦି ସମସ୍ୟା ବିରୋଧରେ ଲଢୁଥିବାର ନଜର ଆସିବେ । ଫିଲ୍ମର ଟ୍ରେଲରରେ ଜନଙ୍କୁ ଏହି ସମସ୍ୟା ବିରୋଧରେ ଲଢୁଥିବାର ଦେଖିବାକୁ ମିଳିଛି ।
ଫିଲ୍ମର ନିର୍ଦ୍ଦେଶନା ମିଲାପ ଜାଭେରୀ ଦେଇଥିବା ବେଳେ ଏଥିରେ ଜନ୍ଙ୍କ କୋ-ଷ୍ଟାର ଭାବେ ଦିବ୍ୟା ଖୋସଲା କୁମାର ନଜର ଆସିବେ । ଫିଲ୍ମଟି ଆକ୍ସନ, ଡ୍ରାମା ଓ ପାୱାରଫୁଲ ଡାଏଲଗ୍ସରେ ପୂର୍ଣ୍ଣ ରହିଛି । ଦର୍ଶକ ଏହାର ଭରପୂର ମଜା ଉଠାଇବେ ବୋଲି ଆଶା ରଖିଛନ୍ତି ମେକର୍ସ । ଜନ ନିଜ ପ୍ରତିକ୍ରିୟା ସେୟାର କରି କହିଛନ୍ତି ଯେ ମହାରାଷ୍ଟ୍ରରେ ସିନେମା ହଲ ଖୋଲୁଥିବାରୁ ସେ ବହୁତ ଖୁସି । ଏଭଳି ଫିଲ୍ମକୁ ଦର୍ଶକ ଥିଏଟରରେ ଦେଖିବା ଉଚିତ ବୋଲି ସେ କହିଛନ୍ତି ।