ମୁମ୍ବାଇ: ବଲିଉଡର କଲ୍ଟ କମେଡି ପାଇଁ ଚର୍ଚ୍ଚିତ ଅନିଲ କପୁର ଓ ଅମୃତା ସିଂଙ୍କ ଅଭିନୀତ ଫିଲ୍ମ ‘ଚମେଲି କି ଶାଦୀ’ ଆଜି ମଧ୍ୟ ଦର୍ଶକଙ୍କ ଫେଭରାଇଟ ଲିଷ୍ଟରେ ସାମିଲ ଅଛି । ଫିଲ୍ମରେ ଅମୃତାଙ୍କ ଚୁଲବୁଲି ଅଭିନୟ ଦର୍ଶକଙ୍କ ଖୁବ୍ ମନ କିଣିଥିଲା । ଏବେ ଆପଣ ଭାବୁଥିବେ ଯେ ଆମେ ଏଠାରେ ‘ଚମେଲି କି ଶାଦୀ’ ବିଷୟରେ କାହିଁକି କଥା ହେଉଛୁ । କାରଣ ଖୁବଶୀଘ୍ର ଏହି କମେଡି ଡ୍ରାମା ଫିଲ୍ମର ରିମେକ ନିର୍ମାଣ ହେବାକୁ ଯାଉଛି । ସବୁଠାରୁ ମଜାଦାର କଥା ହେଲା ଯେ ଏହି ଫିଲ୍ମରେ ଅମୃତାଙ୍କ ଲାଡଲୀ ତଥା ଅଭିନେତ୍ରୀ ସାରା ଅଲ୍ଲୀ ଖାନ ମୁଖ୍ୟ ଭୂମିକାରେ ନଜର ଆସିବେ । ସେ ଫିଲ୍ମରେ ଅମୃତାଙ୍କ ଭୂମିକାରେ ଅଭିନୟ କରିବେ ।
ମା'ଙ୍କ ସୁପରହିଟ୍ ଫିଲ୍ମରେ ନଜର ଆସିବେ ସାରା
ସାରା ଅଲ୍ଲୀ ଖାନଙ୍କ ହାତରେ ଲାଗିଛି ଆଉ ଏକ ରିମେକ ଫିଲ୍ମର ଅଫର । ଏଥର ସେ ନିଜ ମାଆ ତଥା ଅଭିନେତ୍ରୀ ଅମୃତା ସିଂଙ୍କ ସୁପରହିଟ୍ ଫିଲ୍ମ ‘ଚମେଲି କି ଶାଦୀ’ରେ ଅଭିନୟ କରିବାକୁ ଯାଉଛନ୍ତି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସାରା ଅଲ୍ଲୀ ଖାନ
ସାରା ଫିଲ୍ମ ‘କେଦାରନାଥ’ ଜରିଆରେ ବଲିଉଡରେ ପାଦ ଥାପିଥିଲେ । ଯାହା ପରେ ସୈଫ ଅଲ୍ଲୀ ଖାନ ଓ ଅମୃତାଙ୍କ ଲାଡଲୀ ସଫଳତାର ସିଡି ଚଢି ଚାଲିଛନ୍ତି । ବର୍ତ୍ତମାନ ସେ ନିଜ ଆଗାମୀ ଫିଲ୍ମ ‘ଲଭ ଆଜକଲ’ର ପ୍ରମୋଶନରେ ଖୁବ୍ ବ୍ୟସ୍ତ । ଫିଲ୍ମରେ ତାଙ୍କ ସହ ନଜର ଆସିବେ କାର୍ତ୍ତିକ ଆର୍ୟନ । ଇତିମଧ୍ୟରେ ତାଙ୍କୁ ନେଇ ନୂଆ ଖବର ସାମ୍ନାକୁ ଆସିଛି ।
ପ୍ରକାଶ ଥାଉକି ସାରା ନିଜ ମାଆ ଅମୃତାଙ୍କ ସୁପର ଡୁପର ହିଟ୍ ଫିଲ୍ମ ‘ଚମେଲି କି ଶାଦୀ’ର ରିମେକ ଫିଲ୍ମରେ ନଜର ଆସିବେ । ଖୁବଶୀଘ୍ର ସେ ଏହି ଫଲ୍ମର ସୁଟିଂ ଆରମ୍ଭ କରିବାକୁ ଯାଉଛନ୍ତି । ହେଲେ ଏଯାବତ ଫିଲ୍ମକୁ ନେଇ ସାରାଙ୍କ ତରଫରୁ କୌଣସି ଘୋଷଣା ହୋଇନାହିଁ ।