ମୁମ୍ବାଇ: ‘କବୀର ସିଂ’ ନିର୍ଦ୍ଦେଶକ ସନ୍ଦୀପ ରେଡ୍ଡି ଖୁବଶୀଘ୍ର ଆଉ ଏକ ହିନ୍ଦୀ ଫିଲ୍ମ ନେଇ ଫେରିବାକୁ ଯାଉଛନ୍ତି । ସେ ପ୍ରଥମଥର ବଲିଉଡର ଲୋକପ୍ରିୟ ଅଭିନେତା ରଣବୀର କପୁରଙ୍କ ସହ ‘ଆନିମଲ’ରେ କାମ କରିବେ । ଫିଲ୍ମରେ ରଣବୀରଙ୍କ ବ୍ୟତୀତ ଅନିଲ କପୁର, ବବି ଦେଓଲ ଓ ପରିଣୀତି ଚୋପ୍ରା ମଧ୍ୟ ନଜର ଆସିବେ । ନିକଟରେ ଫିଲ୍ମର ଘୋଷଣା କରାଯାଇଥିଲା । ଘୋଷଣା ସହ ଚର୍ଚ୍ଚା ଜୋର ଧରିଥିଲା ଯେ ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ ମଧ୍ୟ ଏହି ଫିଲ୍ମ ପାଇଁ ଅଡିଶନ ଦେଇଥିଲେ ।
ରଣବୀରଙ୍କ ‘ଆନିମଲ୍’ରୁ ବାଦ ପଡିଲେ ସାରା
ସାରାଙ୍କୁ ମିଳିଲା ଝଟକା । କାରଣ ‘ଆନିମଲ୍’ ପାଇଁ ଦେଇଥିଲେ ସେ ଅଡିଶନ । ମେକର୍ସ ତାଙ୍କୁ ଚନୟ ନକରି ତପ୍ତିଙ୍କୁ ଫିଲ୍ମରେ କରିଛନ୍ତି ସାମିଲ । ଅଧିକ ପଢନ୍ତୁ...
ଡିଜାଇନ ଫଟୋ
ହେଲେ ତାଙ୍କ ହାତରେ ଏ ପ୍ରୋଜେକ୍ଟ ନଲାଗି ଅଭିନେତ୍ରୀ ତୃପ୍ତି ଡିମରିଙ୍କୁ ଫିଲ୍ମରେ ମିଳିଛି ରୋଲ । ଯାହାକୁ ନେଇ ନିରାଶ ସାରାଙ୍କ ଫ୍ୟାନ୍ସ । ସେପଟେ ଦୀର୍ଘ ସମୟରୁ ରଣବୀରଙ୍କ ସହ ପରଦାରେ କାମ କରିବାକୁ ଅନାଇ ବସିଥିଲେ ସାରା । ହୁଏତଃ ତାଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡିବ ରଣବୀରଙ୍କ ସହ କାମ କରିବା ପାଇଁ ।
ପ୍ରକାଶ ଥାଉକି ଏହି ଫିଲ୍ମ ବ୍ୟତୀତ ରଣବୀର ମଲ୍ଟି ଷ୍ଟାରର ଫିଲ୍ମ ‘ବ୍ରହ୍ମାସ୍ତ୍ର’କୁ ନେଇ ମଧ୍ୟ ଦୀର୍ଘ ସମୟରୁ ଚର୍ଚ୍ଚାରେ । ଯେଉଁଥିରେ ସେ ପ୍ରଥମଥର ନିଜ କଥିତ ଗାର୍ଲଫ୍ରେଣ୍ଡ ଆଲିୟା ଭଟ୍ଟଙ୍କ ସହ ରୋମାନ୍ସ କରିବେ । ସେହିପରି ଫିଲ୍ମରେ ଏହି ଯୋଡିଙ୍କ ବ୍ୟତୀତ ଅମିତାଭ ବଚ୍ଚନ, ନାର୍ଗାଜୁନ ଓ ମୌନୀ ରୟ ମଧ୍ୟ ଦେଖାଯିବେ । ଆୟନ ମୁଖାର୍ଜୀଙ୍କ ନିର୍ଦ୍ଦେଶିତ ବ୍ରହ୍ମାସ୍ତ୍ର ଏବର୍ଷ ରିଲିଜ ହେବାକୁ ଯାଉଛି ।