ଇଦରେ ସପନାଙ୍କ ଉପହାର, ଉତ୍ସାହିତ ଫ୍ୟାନ୍ସ

ସପନା ଚୌଧୁରୀଙ୍କ ନୂଆ ଗୀତ 'ନଚ କେ ଦିଖା'ର ଫାଷ୍ଟ ଲୁକ ସାମ୍ନାକୁ ଆସିଯାଇଛି । ଏହି ଗୀତରେ ସପନାଙ୍କ ସହ ୱସୀମ ସେଖ ମଧ୍ୟ ନଜର ଆସିବେ ।

ମୁମ୍ବାଇ: ହରିୟାଣୀ ଡାନ୍ସର ସପନା ଚୌଧୁରୀ ଅଭିନୟ ସହ ସଙ୍ଗୀତ ଦୁନିଆରେ ମଧ୍ୟ ଡେବ୍ୟୁ କରିସାରିଛନ୍ତି । ବର୍ତ୍ତମାନ ତାଙ୍କ ଫ୍ୟାନ୍ସଙ୍କ ସଂଖ୍ୟା ଆକାଶ ଛୁଆଁ । ଇତିମଧ୍ୟରେ ତାଙ୍କୁ ନେଇ ନୂଆ ଖବର ଶୁଣିବାକୁ ମିଳୁଛି । ଏବେ ଇଦ ଅବସରରେ ସପନା ଫ୍ୟାନ୍ସଙ୍କ ପାଇଁ ବଡ ସରପ୍ରାଇଜ ନେଇ ଆସୁଛନ୍ତି । ଆଜ୍ଞା ହଁ, ସପନାଙ୍କ ଆଉ ଏକ ଜବରଦସ୍ତ ଗୀତ 'ନଚ କେ ଦିଖା' ଶୁଣିବାକୁ ମିଳିବ ।

ଯାହାର ଫାଷ୍ଟ ଲୁକ ମଧ୍ୟ ସାମ୍ନାକୁ ଆସିଯାଇଛି । ଏଥିରେ ସପନାଙ୍କ ସହ ୱାସିମ ସେଖଙ୍କ କଣ୍ଠ ମଧ୍ୟ ଶୁଣିବାକୁ ମିଳିବ । ଇନଷ୍ଟାଗ୍ରାମରେ ଏହି କଥା ସୂଚନା ଦେଇ ସପନା ଲେଖିଛନ୍ତି, "ଇଦର ଉପହାର ପାଇଁ ପ୍ରସ୍ତୁତ ରୁହନ୍ତୁ ।" ପୋଷ୍ଟରରେ ସପନା ଓ ୱାସିମଙ୍କ ଷ୍ଟାଇଲିସ ଅନ୍ଦାଜ ଦେଖିବାକୁ ମିଳିଛି ।

ଜଣାଇ ଦେଉଛୁ ଯେ ଏହାପୂର୍ବରୁ ସପନା ପପୁଲାର ଗାୟକ ଦଲେର ମେହନ୍ଦୀଙ୍କ ସହ ମିଶି 'ବାବଲୀ ତରେଡ' ଗୀତ ଗାଇଥିଲେ । ଯାହା ୟୁଟ୍ୟୁବରେ ଚହଳ ସୃଷ୍ଟି କରିଥିଲା ।