ମୁମ୍ବାଇ : ଏବେ ଦର୍ଶକଙ୍କ ହୃଦୟ କିଣିଛି ସଲୁ ମିଆଁଙ୍କ ଫିଲ୍ମ 'ଭାରତ' । ଇଦ ଅବସରରେ ରିଲିଜ ହୋଇଥିବା ଏହି ଫିଲ୍ମକୁ ନେଇ ଫ୍ୟାନ୍ସ ଖୁବ୍ ଉତ୍ସାହିତ । ଶାନଦାର ଓପନିଂ କରି ଫିଲ୍ମଟି ହିଟ୍ ତାଲିକାରେ ଆସିଯାଇଛି । ଯାହା ପାଇଁ ସଲମାନ ସହ ଅନ୍ୟ ଷ୍ଟାର-କାଷ୍ଟ ଖୁବ୍ ଖୁସି ଅଛନ୍ତି । ଇତିମଧ୍ୟରେ ସଲମାନଙ୍କ ଆଗାମୀ ଫିଲ୍ମକୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ସଲମାନ ଓ ଆଲିୟା ଭଟ୍ଟ ଆଗାମୀ ଫିଲ୍ମ 'ଇନଶାହଆଲ୍ଲା'କୁ ନେଇ ଏକ ବଡ ଖବର ଶୁଣିବାକୁ ମିଳୁଛି ।
ଆଜ୍ଞା ହଁ, ସଲମାନଙ୍କ ଏହି ଫିଲ୍ମର ରିଲିଜ ତାରିଖ ଘୋଷଣା ହୋଇଯାଇଛି । ଫିଲ୍ମଟି ଆସନ୍ତା ବର୍ଷ ଇଦରେ ରିଲିଜ ହେବ । ଦୀର୍ଘ ସମୟ ପରେ ଲୋକପ୍ରିୟ ଫିଲ୍ମ ନିର୍ମାତା ସଞ୍ଜୟ ଲୀଲା ଭଂସାଲୀଙ୍କ ସହ ସଲମାନ ପୁଣିଥରେ କାମ କରିବାକୁ ଯାଉଛନ୍ତି । ଫିଲ୍ମରେ ପ୍ରଥମଥର ଦର୍ଶକ ସଲମାନ ଓ ଆଲିୟାଙ୍କ ଯୋଡିକୁ ଦେଖିବେ ।