ନୂଆଦିଲ୍ଲୀ: ବି-ଟାଉନର ସଞ୍ଜୁ ବାବା ସଞ୍ଜୟ ଦତ୍ତ ଆଜି ନିଜର 61ତମ ଜନ୍ମଦିନ ପାଳନ କରୁଛନ୍ତି । ଆଜି ତାଙ୍କ ଜନ୍ମଦିନ ଅବସରରେ ଫିଲ୍ମ ମେକର୍ସ ‘କେଜିଏଫ 2’ରୁ ତାଙ୍କ ଫାଷ୍ଟଲୁକ ପୋଷ୍ଟର ଜାରି କରିଛନ୍ତି ।
‘କେଜିଏଫ 2’ପୋଷ୍ଟରରେ ସଞ୍ଜୟଙ୍କ ଦମଦାର ଲୁକ ଦେଖିବାକୁ ମିଳୁଛି ।
ଏହି ସମୟରେ, ପିତା ସୁନୀଲ ଦତ୍ତଙ୍କ ସହ ସଞ୍ଜୟଙ୍କ ଏକ ଫଟୋ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଯେଉଁଥିରେ ସଞ୍ଜୟ ପିତାଙ୍କ କୋଳରେ ବସି ହସୁଥିବାର ଦେଖିବାକୁ ମିଳିଛି ।
'ମୁନ୍ନା ଭାଇ'ଙ୍କ ଏହି ପିଲାଦିନର ଫଟୋକୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି ।
ସଞ୍ଜୟ ‘କେଜିଏଫ 2’ରୁ ତାଙ୍କ ଫାଷ୍ଟଲୁକ ପୋଷ୍ଟରକୁ ଫ୍ୟାନ୍ସଙ୍କ ପାଇଁ ଟ୍ବିଟରରେ ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ମୁଁ ଜନ୍ମଦିନରେ ଏହାଠୁ ଭଲ ଉପହାର ମାଗିନଥିଲି । ଏହା ମୋ ଜନ୍ମଦିନକୁ ଶାନଦାର କରିଛି । ଧନ୍ୟବାଦ ପ୍ରଶାନ୍ତ ନୀଲ ।
ଅନ୍ୟପଟେ ଫିଲ୍ମ ନିର୍ଦ୍ଦେଶକ ମଧ୍ୟ ସଞ୍ଜୟଙ୍କ ଫାଷ୍ଟଲୁକ ପୋଷ୍ଟର ସୋସିଆଲ ମିଡିଆରେ ସେୟାର କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଯାହାର କ୍ୟାପସନରେ ଲେଖିଛନ୍ତି, ଅଧୀରା ଭିକିଙ୍ଗ ଏକ୍ସ ଫାୟାରରୁ ଅନୁପ୍ରାଣିତ। ହାପି ବର୍ଥଡେ ସଞ୍ଜୟ ବାବା ।
ପ୍ରକାଶ ଥାଉ କି, ସଞ୍ଜୟଙ୍କୁ ଶେଷ ଥର ପାଇଁ ଅଭିନେତ୍ରୀ କ୍ରିତି ସାନନ୍, ଅର୍ଜୁନ କପୁରଙ୍କ ସହ 'ପାନିପତ'ରେ ଦେଖିବାକୁ ମିଳିଥିଲା ।
