'ଭୁଜ: ଦ ପ୍ରାଇଡ ଅଫ ଇଣ୍ଡିଆ'ରେ ସାମିଲ ହେଲେ ଏହି କଳାକାର

ଖୁବ୍ ଶୀଘ୍ର ଦର୍ଶକ ପରଦାରେ ଦେଖିବେ 1971 ଭାରତ, ପାକିସ୍ତାନର ଯୁଦ୍ଧ । ଫିିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ଅଜୟ ଦେବଗନ । ଏହାସହ ଆଜି ଘୋଷଣା ହୋଇଛି ଫିଲ୍ମର ଅନ୍ୟ କଳାକାରଙ୍କ ନାମ ।

ମୁମ୍ବାଇ: 1971 ଭାରତ-ପାକ ଯୁଦ୍ଧର କାହାଣୀକୁ ନେଇ ଆଧାରିତ ଫିଲ୍ମ 'ଭୁଜ: ଦ ପ୍ରାଇଡ ଅଫ ଇଣ୍ଡିଆ'ରେ ସିଂଘମ ସାମିଲ ହୋଇଥିବା ଖବର ଜୋର ଧରିଛି । ଅଜୟ ଦେବଗନ ଏହି ଫିଲ୍ମରେ ସ୍କ୍ବାଡନ ଲିଡର ବିଜୟ କର୍ଣ୍ଣିକଙ୍କ ଚରିତ୍ରରେ ଅଭିନୟ କରିବେ । ଇତିମଧ୍ୟରେ ଫିଲ୍ମରେ ସାମିଲ ହୋଇଛନ୍ତି ବଲିଉଡର ଶାନଦାର କଳାକାର ।

ଫିଲ୍ମକୁ ନେଇ ଖବର ଶୁଣିବାକୁ ମିଳୁଛି ଯେ ଫିଲ୍ମରେ ଅଜୟଙ୍କ ସହ ନଜର ଆସିବେ ଅଭିନେତା ସଞ୍ଜୟ ଦତ୍ତ, ପରିଣୀତି ଚୋପ୍ରା, ସୋନାକ୍ଷୀ ସିହ୍ନା, ରାଣା ଡୁଗ୍ଗୁବତି ଓ ଏମି ୱିର୍କ । ଆଜି ଫିଲ୍ମ ନିର୍ମାତା ଏହାର ଘୋଷଣା କରିଛନ୍ତି ।

ଫିଲ୍ମର ନିର୍ମାଣ କରୁଥିବା ଭୂଷଣ କୁମାର ଟ୍ବିଟରରେ ଫ୍ୟାନ୍ସଙ୍କୁ ଏହାର ସୂଚନା ଦେଇଛନ୍ତି । ସେ ଏକ ପୋଷ୍ଟ କରି ଲେଖିଛନ୍ତି, "ଭୁଜ: ଦ ପ୍ରାଇଡ ଅଫ ଇଣ୍ଡିଆ ଫିଲ୍ମରେ ଏହି କଳାକାରଙ୍କୁ ସ୍ବାଗତ ।" ଫିଲ୍ମର କାହାଣୀ ଏବଂ ନିର୍ଦ୍ଦେଶନା ଅଭିଷେକ ଦୁଧୈୟା କରିବା ସହ ଖୁବ୍ ଶୀଘ୍ର ଫିଲ୍ମର ସୁଟିଂ ଆରମ୍ଭ ହେବାକୁ ଯାଉଛି ।