ସନାଙ୍କ ସହ ଫୋନ ରେକଡିଂ ସେୟାର କଲେ ଏକ୍ସ-ବୟଫ୍ରେଣ୍ଡ ମେଲଭିନ

ସୋସିଆଲ ମିଡିଆରେ ଭାଇରାଲ ହେଲା ସନା ଖାନ ଓ ମେଲଭିନ ଲୁଇସଙ୍କ କଥାବାର୍ତ୍ତା । ଇନଷ୍ଟାଗ୍ରାମରେ ମେଲଭିନ ଫୋନ ରେକଡିଂ ସେୟାର କରି ନିଜକୁ ପୀଡିତ କହିଲେ।

ମୁମ୍ବାଇ: ବି-ଟାଉନ ଅଭିନେତ୍ରୀ ତଥା ବିଗ ବସ 6ର ଫେମସ ପ୍ରତିଯୋଗୀ ସନା ଖାନ ଅଭିନୟଠୁ ଅଧିକା ନିଜ ଲଭଲାଇଫକୁ ନେଇ ସବୁବେଳେ ଚର୍ଚ୍ଚାରେ। ନିକଟରେ ସନା ଓ ସୋସିଆଲ ମିଡିଆର ଫେମସ କୋରିଓଗ୍ରାଫର ମେଲଭିନ ଲୁଇସଙ୍କ ବ୍ରେକଅପ ହୋଇଥିଲା । ଯାହାପରେ ଦୁଇଜଣ ପରସ୍ପର ବିରୋଧରେ ସୋସିଆଲ ମିଡିଆରେ ଅନେକ କଥ କହିଥିଲେ।

ମେଲଭିନଙ୍କ ଠାରୁ ଅଲଗା ହେବା ପରେ ସନା ବ୍ରେକଅପ କାହିଁକି କରିଛନ୍ତି ତାହା ମଧ୍ୟ ସମସ୍ତଙ୍କୁ ଜଣାଇଥିଲେ । ଖାଲି ଏତିକି ନୁହେଁ ମେଲଭିନଙ୍କ ଉପରେ ଧୋକାବାଜର ଅଭିଯୋଗ ମଧ୍ୟ ଲଗାଇଥିଲେ ସେ ।

ସନାଙ୍କ ଅଭିଯୋଗ ପରେ ମେଲଭିନ ନିଜର ଓ ସନାଙ୍କ କଥାବାର୍ତ୍ତାର ଫୋନ ରେକଡିଂକୁ ଇନଷ୍ଟାଗ୍ରାମରେ ସେୟାର କରିଛନ୍ତି । ଯାହାର କ୍ୟାପସନରେ ଲେଖିଛନ୍ତି, ‘ପୁଅ ମଧ୍ୟ ପୀଡିତ ହୋଇପାରେ।’ ଏହାସହ ସେ ଅଭିଯୋଗ ଲଗାଇଛନ୍ତି ଯେ ସନା ସବୁବେଳେ ତାଙ୍କ ଶରୀର ରଙ୍ଗ, ପରିବାରର ମଜାକ ଉଡାଉଥିଲେ। ତାଙ୍କ ବନ୍ଧୁବାନ୍ଧବଙ୍କ ଉପରେ ଅପମାନଜନକ କମେଣ୍ଟ କରି ସେ ଖୁସି ହେଉଥିଲେ।