ବଲିଉଡ‌ ଛାଡିବା ପରେ ମୁଫତି ଅନସଙ୍କୁ ବିବାହ କଲେ ସନା

ପୁଣିଥରେ ଚର୍ଚ୍ଚାରେ ବିଗ୍ ବସ୍ ଫେମ ସନା ଖାନ୍ । ନିକଟରେ ସନା ଗୁଜରାଟର ମୌଲାନା ମୁଫତି ଅନସଙ୍କୁ ବିବାହ କରିଛନ୍ତି । ଏବେ ସନା ସୋସିଆଲ ମିଡିଆରେ ତାଙ୍କର ବିବାହର ଫଟୋ ସେୟାର କରିଛନ୍ତି । ଅଧିକ ପଢନ୍ତୁ...

ନୂଆଦିଲ୍ଲୀ: ନିକଟରେ ବଲିଉଡ୍‌ ଅଭିନେତ୍ରୀ ତଥା ବିଗ୍ ବସ୍ ଫେମ ସନା ଖାନ୍ ଫିଲ୍ମ ଜଗତ ଛାଡି ଧର୍ମର ପଥ ଅନୁସରଣ କରିବାକୁ ନିଷ୍ପତ୍ତି ନେଇଥିଲେ । ସନାଙ୍କର ଏହି ନିଷ୍ପତ୍ତି ସମସ୍ତଙ୍କୁ ଚକିତ କରିଦେଇଥିଲା ।

ସନାଙ୍କର ଏହି ନିଷ୍ପତ୍ତିକୁ ନେଇ ତାଙ୍କ ପ୍ରଶଂସକମାନେ ଭିନ୍ନ ଭିନ୍ନ ପ୍ରତିକ୍ରିୟା ପ୍ରକାଶ କରିଥିଲେ ।ଏବେ ସନା ଖାନ ଆଉ ଏକ କାରଣ ନେଇ ଚର୍ଚ୍ଚାର । ସନା ଗୁଜରାଟର ମୌଲାନା ମୁଫତି ଅନସଙ୍କୁ ବିବାହ କରିଛନ୍ତି ।

ଏବେ ସନା ସୋସିଆଲ ମିଡିଆରେ ତାଙ୍କର ବିବାହର ଫଟୋ ସେୟାର କରିଛନ୍ତି । ନିକଟରେ ସୋସିଆଲ ମିଡିଆରେ ଉଭୟଙ୍କ ବିବାହର ଏକ ଭିଡିଓ ଭାଇରାଲ ହେବାରେ ଲାଗିଥିଲା । କୁହାଯାଉଛି ଯେ, ସାନା ଏବଂ ଅନସ 20 ନଭେମ୍ବରରେ ବିବାହ କରିଥିଲେ ।

ଏବେ ସନା ଇନଷ୍ଟାଗ୍ରାମରେ ତାଙ୍କ ସ୍ବାମୀଙ୍କ ସହ ଏକ ଫଟୋ ସେୟାର କରିଛନ୍ତି । ଫଟୋରେ ଅନସ ଏକ ଧଳା ଶେରୱାନି ପିନ୍ଧିଛନ୍ତି । ଏହି ସମୟରେ ସନା ଏକ ନାଲି ଲେହେଙ୍ଗା ପିନ୍ଧିଥିବାର ନଜର ଆସିଥିଲେ । ସେ ଏହି ପୋଷ୍ଟକୁ ସେୟାର କରି ଲେଖିଛନ୍ତି, "ଆଲ୍ଲାଙ୍କ ପାଇଁ ପରସ୍ପରକୁ ଭଲ ପାଉଥିଲୁ, ଆଲ୍ଲାହାଙ୍କ ପାଇଁ ବିବାହ କଲି, ଆଲ୍ଲା ଆମକୁ ଏହି ଦୁନିଆରେ ଏକାଠି ରଖନ୍ତୁ ଏବଂ ଜନ୍ନତରେ ଏକାଠି କରନ୍ତୁ" ।

ଏହା ସହିତ ସନା ତାଙ୍କ ନାମ ସୟିଦ ସନା ଖାନରେ ପରିବର୍ତ୍ତନ କରିଛନ୍ତି । ପ୍ରକୃତରେ ତାଙ୍କ ସ୍ବାମୀଙ୍କ ନାମ ଅନସ ସୟିଦ୍ । ଅନସ ଜଣେ ମୌଲାନା ଏବଂ ଗୁଜୁରାଟର ସୁରଟରେ ରୁହନ୍ତି ।

କିଛି ସମୟ ପୂର୍ବରୁ ସେମାନଙ୍କ ବିବାହର କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭିଡିଓରେ ସନା ଅନସ ଖାନଙ୍କ ହାତ ଧରି ପାହାଚ ତଳକୁ ଓହ୍ଲାଉଥିବାର ଦେଖିବାକୁ ମିଳିଥିଲା । ଅନ୍ୟ ଏକ ଭିଡିଓରେ ଦୁହେଁ କେକ୍ କାଟୁଥିବାର ନଜର ଆସିଥିଲେ ।

ଏହି ଭିଡିଓରେ ଅଭିନେତ୍ରୀ ବହୁତ ସୁନ୍ଦର ଦେଖାଯାଉଥିଲେ । ସନା ଏବଂ ମୁଫତି ଅନସଙ୍କ ବିବାହରେ ଫ୍ୟାନ୍ସ ସେମାନଙ୍କୁ ଅଭିନନ୍ଦନ ଜଣାଉଛନ୍ତି ।

ପ୍ରକାଶ ଥାଉ କି, ଗତ କିଛି ଦିନ ତଳେ ସାନା ଏକ ପୋଷ୍ଟ ସେୟାର କରି ଫିଲ୍ମ ଜଗତ ଛାଡିବା ନେଇ ସୂଚନା ଦେଇଥିଲେ । ସେ ପୋଷ୍ଟରେ ଲେଖିଥିଲେ, ମୁଁ ଫିଲ୍ମ ଇଣ୍ଡଷ୍ଟ୍ରି ଛାଡି ଲୋକଙ୍କ ସେବା କରିବି ।