ସଲମାନଙ୍କ ‘ପ୍ୟାର କରୋନା’ ଗୀତରେ କରୋନା ସଚେତନତା, ଭିଡିଓ ରିଲିଜ

ଲଞ୍ଚ ହୋଇଯାଇଛି ସୁପରଷ୍ଟାର ସଲମାନ ଖାନଙ୍କ ୟୁଟ୍ୟୁବ ଚ୍ୟାନେଲ ‘ବିଙ୍ଗ ସଲମାନ ଖାନ’। ଆଉ ନିଜେ ଗାଇଥିବା ଗୀତ ‘ପ୍ୟାର କରୋନା’କୁ ରିଲିଜ କରିଛନ୍ତି ଏଥିରେ...

ମୁମ୍ବାଇ: ଦବଙ୍ଗ ବୟ ସଲମାନ ଖାନ କୋରୋନା ଭାଇରସ ପାଇଁ ଦେଶବାସୀଙ୍କୁ ସଚେତନା ବାର୍ତ୍ତା ଦେବାରେ ଲାଗିଛନ୍ତି। ସେହିପରି ଦିନ ମଜୁରିଆ, ଶ୍ରମିକଙ୍କ ପାଇଁ ରାସନ ପହଞ୍ଚାଇବା କାମ ମଧ୍ୟ କରୁଛନ୍ତି । ଇତିମଧ୍ୟରେ ତାଙ୍କ ନୂଆ ଗୀତ ‘ପ୍ୟାର କରୋନା’ ରିଲିଜ ହୋଇଯାଇଛି । ଯାହା ଦର୍ଶକଙ୍କୁ ଖୁବ୍ ପସନ୍ଦ ଆସୁଛି। ଏହାସହ ସେ ନିଜର ୟୁଟ୍ୟୁବ ଚ୍ୟାନେଲ ‘ବିଙ୍ଗ ସଲମାନ ଖାନ’ ନାମରେ ଲଞ୍ଚ କରିଛନ୍ତି।

ରବିବାର ସଲମାନ ଏହି ଗୀତର ଟିଜର ରିଲିଜ କରି ଫ୍ୟାନ୍ସଙ୍କୁ ଗୀତ ରିଲିଜ ହେବା ସୂଚନା ଦେଇଥିଲେ । ଯାହାପରେ ଫ୍ୟାନ୍ସଙ୍କ ଉତ୍ସାହିତ ଦୁଇଗଣ ବଢିଯାଇଥିଲା । ଗୀତ ଜରିଆରେ କୋରୋନା ସଙ୍କଟ ସମୟରେ ପ୍ରେମରେ ରହିବାକୁ ବାର୍ତ୍ତା ଦେଇଛନ୍ତି ସଲମାନ।

ମୁଖ୍ୟ କଥା ହେଲା ‘ପ୍ୟାର କରୋନା’ ଗୀତଟିକୁ ସଲମାନ ନିଜେ ଲେଖି, ଗାଇବା ସହ ରାପ ମଧ୍ୟ କରିଛନ୍ତି । ସୋସିଆଲ ମିଡିଆରେ ଗୀତଟିକୁ ରିଲିଜ କରି ସେ କ୍ୟାପସନରେ ଲେଖିଛନ୍ତି, ‘ଇମୋଶନାଲି ପାଖରେ ରହୁଅନ୍ତୁ ଆଉ ଫିଜିକାଲି ଦୂରେଇ ରୁହନ୍ତୁ । ପ୍ୟାର କରୋନା ଅଡିଓ ଆଉଟ ।’ ଶୁଣନ୍ତୁ ସଲମାନଙ୍କ ଏହି ଶାନଦାର ଗୀତ...