ମୁମ୍ବାଇ: ସୁପରଷ୍ଟାର ସଲମାନ ଖାନ୍ ନିକଟରେ ନିଜର ଏକ ଭିଡିଓ ସେୟାର କରିଥିଲେ । ସେହି ଭିଡିଓରେ ସେ ମଝି ରାସ୍ତାରେ ସାଇକେଲ ଚଲାଉଥିବାର ଦୃଶ୍ୟ ଦେଖିବାକୁ ମିଳିଥିଲା । ଆଉ ଏବେ ସେହି ଭିଡିଓ ପାଇଁ ଭାଇଜାନ ହୋଇଛନ୍ତି ଟ୍ରୋଲର୍ସଙ୍କ ଶୀକାର । ଏହି ଭିଡିଓ ଦବଙ୍ଗ ଖାନଙ୍କ ଫ୍ୟାନ୍ସଙ୍କୁ କରିଛି ନାଖୁସ । ତେବେ ଏହି ଭିଡିଓରେ ସଲମାନ ବିନା ହେଲମେଟରେ ସାଇକେଲ ଚଲାଉଛନ୍ତି । ଯାହା ଫ୍ୟାନ୍ସଙ୍କୁ ହଜମ ହେଉନାହିଁ ।
ଏନେଇ ସୋସିଆଲ ମିଡିଆରେ କିଛି ୟୁର୍ଜସ ମୁମ୍ବାଇ ପୋଲିସକୁ ଟ୍ୟାଗ କରିବା ସହ ଲେଖିଛନ୍ତି, "ସଲମାନଙ୍କ ବିରୋଧରେ ଆକ୍ସନ ନିଆଯାଉ ।" ଅନ୍ୟପଟେ କିଛି ୟୁଜର୍ସ ଲେଖିଛନ୍ତି, "ମୁମ୍ବାଇ ପୋଲିସ ଦୟାକରି ଏହା ଦେଖନ୍ତୁ । ସଲାମନ ବିନା ହେଲମେଟରେ ରାଇଡ କରୁଛନ୍ତି ।"