ମୁମ୍ବାଇ: ଭାଇଜାନ ସଲମାନ ଖାନ ଏହି ସମୟରେ ନିଜର ଆଗାମୀ ଫିଲ୍ମ 'ଦବଙ୍ଗ-3'ର ସୁଟିଂରେ ବ୍ୟସ୍ତ ହେବା ସହ ବହୁ ପ୍ରତିକ୍ଷିତ ଫିଲ୍ମ ଭାରତର ପ୍ରମୋଶନରେ ମଧ୍ୟ ଜୋରସୋରରେ ଲାଗିଛନ୍ତି । ଏବେ ସଲମାନ ସୋସିଆଲ ମିଡିଆରେ ନିଜ ଫ୍ୟାନ୍ସଙ୍କୁ ଜବାବ ଦେଇ ଚହଳ ସୃଷ୍ଟି କରିଛନ୍ତି । କଥାଟି ହେଲା କି, ସୋସିଆଲ ମିଡିଆରେ କ୍ୟାଟ୍ରିନା କୈଫଙ୍କୁ ଫ୍ୟାନ୍ସ ପ୍ରଶ୍ନ କରିଥିଲେ କି 'ଭାରତ' ଫିଲ୍ମରେ ନିଜ ରୋଲ ପାଇଁ କିପରି ପ୍ରସ୍ତୁତି କରିଥିଲେ । କ୍ୟାଟ୍ରିନା ଜବାବ ଦେବା ପୂର୍ବରୁ ଭାଇଜାନ ଏହାକ ଜବାବ ଦେଇଥିବାର ନଜର ଆସିଥିଲେ ।
ସେ ଜବାବରେ ଲେଖିଥିଲେ କି 'ପ୍ରିୟଙ୍କା ଚୋପ୍ରା ତାଙ୍କୁ ସମୟ ହିଁ ଦେଲେ ନାହିଁ । କିନ୍ତୁ ଆପଣଙ୍କୁ ଜଣାଇ ଦେବାକୁ ଚାହୁଁଛି ଯେ ନିଜ ରୋଲ ପାଇଁ କ୍ୟାଟ୍ରିନା ଖୁବ୍ ପରିଶ୍ରମ କରିଛନ୍ତି , ଯଦି ପ୍ରିୟଙ୍କା ଆହୁରି ସମୟ ଦେଇଥାଆନ୍ତେ ତେବେ କଥା କିଛି ଭିନ୍ନ ହୋଇଥାଆନ୍ତା' ।