ମୁମ୍ବାଇ: ସୁପରଷ୍ଟାର ସଲମାନଙ୍କ ଫ୍ୟାନ୍ସ ତାଙ୍କ ଆଗାମୀ ଚର୍ଚ୍ଚିତ ଫିଲ୍ମ ‘ଦବଙ୍ଗ 3’ ଦେଖିବାକୁ ବ୍ୟାକୁଳ । ଫିଲ୍ମକୁ ନେଇ ଦିନକୁ ଦିନ ଦର୍ଶକଙ୍କ ଏକ୍ସାଇଟମେଣ୍ଟ ବଢିବାରେ ଲାଗିଛି । ଆଉ ଏମିତିରେ ସଲମାନ ମଧ୍ୟ ପ୍ରଶଂସକଙ୍କ ଉତ୍ସାହ ବଢାଇବାରେ କୌଣସି କାର୍ଯ୍ୟ ଛାଡୁନାହାଁନ୍ତି । ସେ ‘ଦବଙ୍ଗ 3’ର ଅଡିଓ ଗୀତ ଗୋଟିଏ ଗୋଟିଏ କରି ରିଲିଜ କରିବାରେ ଲାଗିଛନ୍ତି । ମଙ୍ଗଳବାର ମଧ୍ୟ ଫିଲ୍ମର ବହୁପ୍ରତିକ୍ଷିତ ରୋମାଣ୍ଟିକ ଗୀତ ‘ଆୱାରା’ ରିଲିଜ କରାଯାଇଥିଲା । ଯାହା ବର୍ତ୍ତମାନ ୟୁଟ୍ୟୁବରେ ଛାଇ ଯାଇଛି।
ବର୍ତ୍ତମାନ ‘ଆୱାରା’ ଗୀତଟି ଅଡିଓ ଭର୍ସନରେ ରିଲିଜ କରାଯାଇଛି । କିନ୍ତୁ ଗୀତରେ ଯେଉଁ ଫଟୋ ଦେଖିବାକୁ ମିଳୁଛି, ସେଥିରେ ସଲମାନ ନବାଗତ ଅଭିନେତ୍ରୀ ସାଈ ମାଞ୍ଜେରକରଙ୍କ ସହ ରୋମାନ୍ସ କରୁଥିବାର ଦେଖାଯାଉଛନ୍ତି । ଗୀତଟି ଦର୍ଶକଙ୍କୁ ଏତେ ପସନ୍ଦ ଆସିଛି ଯେ ରିଲିଜ ହେବା ମାତ୍ରେ 22 ଲକ୍ଷରୁ ଅଧିକଥର ଏହାକୁ ୟୁଟ୍ୟୁବରେ ଶୁଣା ସରିଲାଣି ।