ପରିବାରବାଦ ବିବାଦ, ୱାର୍କଆଉଟରେ ମାତିଛନ୍ତି ସଲମାନ

ସୋସିଆଲ ମିଡିଆରେ ଭାଇରାଲ ହେଲା ସଲମାନଙ୍କ ନୂଆ ଫଟୋ । ପରିବାରବାଦ ଅଭିଯୋଗକୁ ସଲମାନଙ୍କ ବେଖାତିର । କରିଛନ୍ତି ଏମିତି କିଛି...

ମୁମ୍ବାଇ: ଗତ କିଛି ଦିନ ହେବ ସୁପରଷ୍ଟାର ସଲମାନ ଖାନଙ୍କ ଉପରେ ପରିବାରବାଦ ଅଭିଯୋଗ ଲଗାଇ ସୋସିଆଲ ମିଡିଆରେ ତାଙ୍କୁ ଖୁବ୍ ଟ୍ରୋଲ କରାଯାଉଛି । ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ନିଧନ ପରେ ସେ ଫ୍ୟାନ୍ସଙ୍କ କ୍ରୋଧର ଶିକାର ହୋଇଛନ୍ତି । ତାଙ୍କ ଉପରେ ପରିବାରବାଦ, ଗୋଷ୍ଠୀବାଦ ଭଳି ଅଭିଯୋଗ ଲାଗିଛି । ହେଲେ ଏହି ସବୁରୁ ବେଫିକର ସଲଖାନ ନିଜ ସୋସିଆଲ ମିଡିଆରେ ବିଳମ୍ବ ରାତିରେ ଏମିତି ଏକ ଫଟୋ ସେୟାର କରିଛନ୍ତି, ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ ।

ସମସ୍ତଙ୍କୁ ଜଣା ଯେ ଫିଲ୍ମ ବ୍ୟତୀତ ସଲମାନ ନିଜ ଫିଟନେସ ପାଇଁ କଡା ପରିଶ୍ରମ କରନ୍ତି । ଆଉ ଯେବେ ମଧ୍ୟ ତାଙ୍କୁ ସମୟ ମିଳେ ସେ ୱାର୍କଆଉଟ କରିବାରେ ଲାଗିପଡନ୍ତି । ବର୍ତ୍ତମାନ ଭାଇରାଲ ହେଉଥିବା ଫଟୋରେ ସେ ନିଜ ଘର ଜିମରେ ନଜର ଆସୁଛନ୍ତି ।

ପାଖାପାଖି ରାତି 2ଟା ସମୟରେ ସଲମାନ ଇନଷ୍ଟାଗ୍ରାମରେ ଫଟୋ ସେୟାର କରି ଲେଖିଛନ୍ତି, ‘ଏବେ ୱାର୍କଆଉଟ ଶେଷ କଲି ।’ ତାଙ୍କ ଏହି ଫଟୋରେ ଅନେକ ସେଲିବ୍ରିଟି ମଜାଦାର କମେଣ୍ଟ କରିଥିବା ବେଳେ ସୁଶାନ୍ତଙ୍କ ଫ୍ୟାନ୍ସ ପୁଣିଥରେ ତାଙ୍କୁ ଟ୍ରୋଲ କରିଛନ୍ତି ।