ମୁମ୍ବାଇ: ସଲମାନ ଖାନ ପୁରା ବଲିଉଡରେ ଦୟାଳୁ ବ୍ୟକ୍ତି ରୂପେ ପପୁଲାର । ଇଣ୍ଡଷ୍ଟ୍ରିର ଅନେକ ଷ୍ଟାର୍ସକୁ ସଲମାନଙ୍କ ପାଇଁ ହିଁ କାମ ମିଳିଛି । ସଲମାନଙ୍କର ଯେଉଁଭଳି ବ୍ୟବହାର ଘର ବାହାରେ ଦେଖିବାକୁ ମିଳିଥାଏ, ଠିକ୍ ସେହିପରି ବ୍ୟବହାର ସେ ଘରେ ମଧ୍ୟ କରିଥାଆନ୍ତି । ସଲମାନ ନିଜ ମାତା-ପିତାଙ୍କ ବଡ ପୁଅ । ତେଣୁ ଏଥି ନିମନ୍ତେ ସେ ଘରର ସବୁ ଦାୟିତ୍ବ ତୁଲାଇଥାଆନ୍ତି । ସେ ନିଜ ଘରର ସବୁ ସଦସ୍ୟଙ୍କର ବହୁତ ସମ୍ମାନ କରିଥାଆନ୍ତି ।
ଏପରି ୱୁମନ୍ସ ଡେ ଅବସରରେ ପୁଣି ଥରେ ସଲମାନଙ୍କ ପ୍ରେମ ଗୋଟିଏ ଫଟୋରେ ଦେଖିବାକୁ ମିଳିଛି । ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଦୁଇ ମା'ଙ୍କ ସହ ନଜର ଆସୁଛନ୍ତି । ସେମିତି ଦେଖିବାକୁ ଗଲେ ସଲମାନ, ସଲମା ଏବଂ ସଲୀମ ଖାନଙ୍କ ସନ୍ତାନ, କିନ୍ତୁ ସେ ନିଜ ସାବତ ମା' ହେଲନଙ୍କୁ ମଧ୍ୟ ସେତିକି ସମ୍ମାନ ଏବଂ ପ୍ରେମ କରିଥାଆନ୍ତି, ଯେତେ ସେ ନିଜ ମାଆଙ୍କୁ କରନ୍ତି ।