ବାପାଙ୍କ ସହ ଗୀତ ଗାଉଛନ୍ତି ସଲମାନ

ସୁପରଷ୍ଟାର ସଲମାନ ଖାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ତାଙ୍କ ପିତା ସଲିମ ଖାନ ମଧ୍ୟ ନଜର ଆସୁଛନ୍ତି ।

ମୁମ୍ବାଇ: ବି-ଟାଉନର ଦବଙ୍ଗ ବଏ ସଲମାନ ଖାନଙ୍କୁ ନେଇ ଗତକାଲି ଅନେକ ଅଭିଯୋଗ ସାମ୍ନାକୁ ଆସିଥିଲା । ଯାହାକୁ ନେଇ ନିରାଶ ହୋଇଯାଇଥିଲେ ତାଙ୍କ ଫ୍ୟାନ୍ସ । ଏବେ ତାଙ୍କର ଏମିତି ଏକ ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳୁଛି । ଯାହାଦ୍ବାରା ଫ୍ୟାନ୍ସ ନିହାତି ଖୁସି ହୋଇଯିବେ ।

କଥାଟି ହେଲା କି ସଲମାନ ନିଜ ଟ୍ବିଟରରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ପିତା ତଥା ଲୋକପ୍ରିୟ ଲେଖକ ସଲିମ ଖାନଙ୍କ ସହ ଗୀତ ଗାଇଥିବାର ନଜର ଆସୁଛନ୍ତି ।

ଭିଡିଓରେ ଗାୟକ କମାଲ ଖାନ, ସଲିମ ଓ ସଲମାନ 1949ରେ ଆସିଥିବା ଫିଲ୍ମ 'ଦୁଲାରୀ'ର ମହମ୍ମଦ ରଫିଙ୍କ 'ସୁହାନୀ ରାତ ଢଲ ଚୁକି' ଗୀତ ଗାଉଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, "ଆମ ପରିବାର ସୁଲତାନ, ଟାଇଗର ଏବଂ ଭାରତ ସଲିମ ଖାନ ଗାଉଛନ୍ତି ।"

ଆଜିକାଲି ସଲମାନ ସୋସିଆଲ ମିଡିଆରେ ଖୁବ୍ ଆକ୍ଟିଭ ନଜର ଆସୁଛନ୍ତି । କିଛି ଦିନ ଦେବ ସେ ନିଜ ୱାର୍କଆଉଟର ଅନେକ ଭିଡିଓ ସେୟାର କରି ନିଜ ପ୍ରଶଂସକଙ୍କ ମନ କିଣିବାରେ ଲାଗିଛନ୍ତି ।