ମୁମ୍ବାଇ: ବଲିଉଡର ସୁପରଷ୍ଟାର ସଲମାନ ଖାନ ଚଳିତ ବର୍ଷ ଇଦ୍ରେ କୌଣସି ଫିଲ୍ମ ଆଣିବାକୁ ଯାଉନାହାଁନ୍ତି, କିନ୍ତୁ ସେ ଏହି ଖାସ ମଉକାରେ ଅଜୟ ଦେବଗନଙ୍କ ଏକ ଫିଲ୍ମକୁ ସମର୍ଥନ କରିବାକୁ ନିଷ୍ପତ୍ତି ନେଇଛନ୍ତି, ଯାହାକି ଇଦ୍ରେ ରିଲିଜ ହେବାକୁ ଯାଉଛି । ସଲମାନ ଖାନ ଅଜୟ ଦେବଗନ ଏବଂ ଅମିତାଭ ବଚ୍ଚନଙ୍କ ଚଳଚ୍ଚିତ୍ର ରନୱେ 34 (Runway34) ର ଟିଜର ଭିଡିଓ ସେୟାର କରିଛନ୍ତି ।
କେବଳ ସେତିକି ନୁହେଁ, ବରଂ ଏହି ଇଦ୍ରେ ଅଜୟ ଦେବଗନଙ୍କ ଫିଲ୍ମ ଦେଖିବାକୁ ପ୍ରଶଂସକଙ୍କୁ ନିବେଦନ କରିଛନ୍ତି। ସଲମାନ ଖାନ ଏହି ଭିଡିଓ ସେୟାର କରିବା ମାତ୍ରେ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସଲମାନ ଖାନ ରନୱେ 34 ର ଟ୍ରେଲରର ରିଲିଜ୍ ତାରିଖ ସେୟାର କରିବା ସହିତ ଫିଲ୍ମର ଟିଜର ଭିଡିଓ ମଧ୍ୟ ସେୟାର କରିଛନ୍ତି।