ତାୱାରେ ବିଶାଲଙ୍କୁ ମାଡ ମାରି ବିବାଦରେ ମଧୁରୀମା

ଛୋଟ ପରଦାର ବିବାଦୀୟ ଶୋ’ ବିଗ ବସ ସିଜନ ଆରମ୍ଭ ଦିନରୁ ଚର୍ଚ୍ଚାରେ । ସବୁବେଳେ ପ୍ରତିଯୋଗୀଙ୍କ ମଧ୍ୟରେ ଫାଇଟ ଦେଖିବାକୁ ପାଉଛନ୍ତି ଦର୍ଶକ । ଇତିମଧ୍ୟରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏକ କମେଡି ଭିଡିଓ । ଯେଉଁଥିରେ ବିଶାଲଙ୍କୁ ପିଟୁଥିବାର ନଜର ଆସୁଛନ୍ତି ତାଙ୍କ ଏକ୍ସ ଗାର୍ଲଫ୍ରେଣ୍ଡ ମଧୁରୀମା ତୁଲୀ ।

ମୁମ୍ବାଇ: ବର୍ତ୍ତମାନ ସଲମାନ ଖାନଙ୍କ ରିୟାଲିଟି ଶୋ ବିଗ ବସ ସିଜନ 13ରେ ପ୍ରତିଯୋଗୀ ବିଶାଲ ଆଦିତ୍ୟ ସିଂ ଓ ମଧୁରିମା ତୁଲୀଙ୍କ ମଧ୍ୟରେ ହାଇଭୋଲ୍ଟେଜ ଡ୍ରାମା ଦେଖିବାକୁ ମିଳୁଛି । ଦୁଇଜଣଙ୍କ ଆଗ୍ରେସନ ଦେଖି ଦର୍ଶକ ମଧ୍ୟ ଆଶ୍ଚର୍ଯ୍ୟ। ମଧୁରିମା ଯେପରି ବିଶାଲଙ୍କୁ ଫ୍ରାଇଂ ପ୍ୟାନରେ ପିଟିଲେ, ତାହାର ଖୁବ୍ ଆଲୋଚନା ବାହାରେ ଚାଲିଛି ।

ମଧୁରିମାଙ୍କ ଠାରୁ ବିଶାଲ ମାଡ ଖାଇଥିଲେ । ହେଲେ ବିଶାଲ ମଧ୍ୟ କେଉଁ ଚୁପ ବସିବା ବ୍ୟକ୍ତି ସେ ମଧୁରିମାଙ୍କ ଉପରକୁ ପାଣି ପିଙ୍ଗିଥିଲେ । ଏହି ମାମଲା ପାଇଁ ଦୁଇଜଣଙ୍କୁ ବିଗ ବସ ଦୋଷୀ କରିଛନ୍ତି । ଦଣ୍ଡ ଦେଇ ଦୁଇଜଣଙ୍କୁ ଭିନ୍ନ ଭିନ୍ନ ଜେଲରେ ୱିକେଣ୍ଡ ପର୍ଯ୍ୟନ୍ତ ଲକ କରିବାର ଆଦେଶ ଦେଇଥିଲେ । ଏବେ ୱିକେଣ୍ଡରେ ସଲମାନ, ବିଶାଲ-ମଧୁରିମାଙ୍କ ମାମଲାରେ ବଡ ନିଷ୍ପତ୍ତି ନେଇପାରନ୍ତି ।

ରିପୋର୍ଟ ଅନୁଯାୟୀ ସଲମାନ ନ୍ୟାସନାଲ ଟେଲିଭିଜନରେ ବିଶାଲଙ୍କ ସହ ହିଂସା କରିବା ପାଇଁ ବିଗ ବସ ହାଉସରୁ ମଧୁରୀମାଙ୍କୁ ବାହାର କରିପାରନ୍ତି । ହେଲେ ଏଯାବତ ଏହି ଖବର କନଫର୍ମ ହୋଇନାହିଁ । ପ୍ରକାଶ ଥାଉକି ଏହାପୂର୍ବରୁ ଯେତେବେଳେ ପ୍ରତିଯୋଗୀ ଅସୀମ ରିୟାଜ ଓ ସିଦ୍ଧାର୍ଥ ଶୁକ୍ଲାଙ୍କ ମଧ୍ୟରେ ଫାଇଟ ହୋଇଥିଲା ତେବେ ସଲମାନ ଖୁବ୍ ରାଗି ଯାଇଥିଲେ । ଆଉ କହିଥିଲେ ତାଙ୍କ ମୁତାବିକ ଯଦି ଶୋ ଚାଲୁଥାଆନ୍ତା ତେବେ ସେ ସଙ୍ଗେ ସଙ୍ଗେ ଘରେ ମାରପିଟ କରୁଥିବା ପ୍ରତିଯୋଗୀକୁ ଶୋରୁ ବାହାର କରିଦିଅନ୍ତି ।