ମୁମ୍ବାଇ: ଦବଙ୍ଗ ବୟ ସଲମାନ ଖାନଙ୍କ ବହୁପ୍ରତିକ୍ଷିତ ଫିଲ୍ମ ‘ଦବଙ୍ଗ 3’ର ଜବରଦସ୍ତ ଟ୍ରେଲର ଗତ କାଲି(ବୁଧବାର) ରିଲିଜ ହୋଇଯାଇଛି । ସଲମାନଙ୍କ ଏଣ୍ଟରଟେନମେଣ୍ଟର ତୃତୀୟ ସିରିଜ ‘ଦବଙ୍ଗ 3’ର ଟ୍ରେଲର ମୁମ୍ବାଇରେ ରିଲିଜ କରାଯାଇଛି । ଟ୍ରେଲରଟି ରିଲିଜ ହେବା ମାତ୍ରେ ୟୁଟ୍ୟୁବରେ ଟ୍ରେଣ୍ଡ କରିବାରେ ଲାଗିଛି । ଆଉ ଦର୍ଶକଙ୍କ ଶାନଦାର ପ୍ରତିକ୍ରିୟା ମଧ୍ୟ ମିଳିଛି । ଏହି ଅବସରରେ ସଲମାନ ନିଜ ମା'ଙ୍କୁ ସ୍ମରଣ କରିଥିଲେ ।
କଥାଟି ହେଲା କି ପ୍ରେସ କନଫ୍ରେନ୍ସ ସମୟରେ ସଲମାନଙ୍କୁ ପ୍ରଶ୍ନ କରାଯାଇଥିଲା ଯେ ଆପଣ ଅନେକ କଳାକାରଙ୍କୁ ନିଜ ଫିଲ୍ମରେ ସୁଯୋଗ ଦେଇଆସୁଛନ୍ତି । ‘ଦବଙ୍ଗ’ର ପ୍ରଥମ ସିରିଜରେ ସୋନାକ୍ଷୀ ସିହ୍ନାଙ୍କୁ ଡେବ୍ୟୁ କରାଇଥିଲେ । ଆଉ ଏବେ ‘ଦବଙ୍ଗ 3’ରେ ସାଈ ମାଞ୍ଜରେକରଙ୍କୁ ବଲିଉଡରେ ଏଣ୍ଟ୍ରି କରାଇଛନ୍ତି । ବର୍ତ୍ତମାନ ଆପଣ ନୂଆ କଳାକାରଙ୍କ ଡେବ୍ୟୁ କରାଇବାରେ ସେଞ୍ଚୁରୀ ମାରିସାରିଲେଣି । ଏହି କାର୍ଯ୍ୟରୁ ଆପଣ ବଲିଉଡର ମଦର ଟେରେସା ସାଜିଛନ୍ତି ।