ହାଇଦ୍ରାବାଦ: କିଛି ଦିନ ପରେ ଆରମ୍ଭ ହେଉଛି ବହୁ ପ୍ରତିକ୍ଷିତ ଟେଲିଭିଜନ ଶୋ' ବିଗବସର 13ତମ ସିଜିନ । ଏଯାଏଁ ବିଗବସ-13ର ପ୍ରାୟ 4ଟି ପ୍ରୋମୋକୁ ରିଲିଜ କରାଯାଇଛି ଓ ସବୁ ପ୍ରୋମୋରେ ସଲମାନଙ୍କ ଅଲଗା ଅଲଗା ରୂପ ଦେଖିବାକୁ ମିଳିଛି ।
ମୁମ୍ବାଇ ମେଟ୍ରୋରେ ‘ବିଗବସ-13’ ପ୍ରମୋଶନ ପାଇଁ ପହଞ୍ଚିଲେ ସଲମାନ
ମୁମ୍ବାଇ ମେଟ୍ରୋରେ ବିଗବସ୍-13ର ପ୍ରମୋଶନ । ଯୋଗ ଦେଇଛନ୍ତି ସଲମାନ ଖାନ । ଅର୍ଜୁନ ବିଜଲାନୀ, ସନା ଖାନ୍ ଓ ପୂଜା ବାନାର୍ଜୀଙ୍କ ସହ କରିଛନ୍ତି ଶୋ'ର ପ୍ରମୋଶନ।
ଫଟୋ ସୌଜନ୍ୟ: ସୋସିଆଲ ମିଡିଆ
ସୋମବାର ମୁମ୍ବାଇର ଅନ୍ଧେରୀ ମେଟ୍ରୋ ପାଖରେ ଶୋ'ର ପ୍ରମୋଶନ ପାଇଁ ପହଞ୍ଚିଥିଲେ ସଲମାନ ଖାନ । ମେଟ୍ରୋରେ ଯାତ୍ରା କରି ନିଜ ଅନୁଭୁତି ମଧ୍ୟ ବଖାଣିଥିଲେ ସେ । ଏହାସହ ଶୋ'ରେ ଅଧିକ ଟ୍ବିଷ୍ଟ ଥିବାର କହିଛନ୍ତି ସଲମାନ । ଅର୍ଜୁନ ବିଜଲାନୀ, ସନା ଖାନ୍ ଓ ପୂଜା ବାନାର୍ଜୀ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ତେବେ ଚଳିତ ସିଜିନର ଦୁଇଟି ପ୍ରତିଯୋଗୀ ଦେବୋଲିନା ଭଟ୍ଟାଚାର୍ଯ୍ୟ ଓ ସିଦ୍ଧାର୍ଥ ଶୁକ୍ଳାଙ୍କ ନାମ ଘୋଷଣା ହୋଇଥିଲେ ମାତ୍ର ଅନ୍ୟ 9ଜଣଙ୍କ ନାମକୁ ଘୋଷଣା କରାଯାଇନାହିଁ । ଏଥିରେ ରାଜପାଲ ଯାଦବ ମଧ୍ୟ ନଜର ଆସିପାରନ୍ତି ବୋଲି ଚର୍ଚ୍ଚା ଚାଲିଛି ।