ରେଖାଙ୍କ ଯୋଗୁଁ ସିଙ୍ଗଲ୍‌ ଅଛନ୍ତି ସଲମାନ୍‌, ଅଭିନେତା ନିଜେ ଖୋଲିଲେ ଗୁମର

ସଲମାନ ଖାନଙ୍କୁ 56 ବର୍ଷ ବୟସ, କିନ୍ତୁ ଆଜି ବି ଏହି ଅଭିନେତାଙ୍କୁ ଇଣ୍ଡଷ୍ଟ୍ରିର ସବୁଠାରୁ ମୋଷ୍ଟ ଏଲିଜିବଲ୍ ବ୍ୟାଚଲର ଭାବେ ବିବେଚନା କରାଯାଏ। କିନ୍ତୁ ଆପଣ ଜାଣନ୍ତି କି କେଉଁ ଅଭିନେତ୍ରୀଙ୍କ ପାଇଁ ସଲମାନ ଆଜି ବି ସିଙ୍ଗଲ ଅଛନ୍ତି । ଅଧିକ ପଢନ୍ତୁ

ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର 'ଦବଙ୍ଗ' ସଲମାନ ଖାନଙ୍କୁ 56 ବର୍ଷ ବୟସ, କିନ୍ତୁ ଆଜି ବି ଏହି ଅଭିନେତାଙ୍କୁ ଇଣ୍ଡଷ୍ଟ୍ରିର ସବୁଠାରୁ ମୋଷ୍ଟ ଏଲିଜିବଲ୍ ବ୍ୟାଚଲର ଭାବେ ବିବେଚନା କରାଯାଏ । ଅନେକ ଝିଅ ସଲମାନ ଖାନଙ୍କ ଜୀବନରେ ଆସିଥିଲେ କିନ୍ତୁ କାହାରି ସମ୍ପର୍କ ବିବାହ ପର୍ଯ୍ୟନ୍ତ ପହଞ୍ଚି ପାରି ନଥିଲା । ଏହି କାରଣରୁ, ସଲମାନ ଖାନଙ୍କ ବିବାହ ଇଣ୍ଡଷ୍ଟ୍ରିରେ ଏକ ହଟ ଟପିକ୍‌ ହୋଇ ରହିଯାଇଛି । କିନ୍ତୁ ଆପଣ ଜାଣନ୍ତି କି ଥରେ ସଲମାନ ଖାନ ସେହି ଅଭିନେତ୍ରୀଙ୍କ ନାମ ଖୁଲାସା କରିଥିଲେ, ଯାହା କାରଣରୁ ସଲମାନ ଖାନ ଆଜି ପର୍ଯ୍ୟନ୍ତ ସିଙ୍ଗଲ ଅଛନ୍ତି ।

ସଲମାନ ଖାନ ତାଙ୍କ ବିବାଦୀୟ ରିଆଲିଟି ସୋ ବିଗ୍ ବସ୍‌ରେ ଖୁଲାସା କରିଥିଲେ ଯେ, ବଲିଉଡର ସୁନ୍ଦର ଅଭିନେତ୍ରୀ ରେଖାଙ୍କ କାରଣରୁ ସେ ଏପର୍ଯ୍ୟନ୍ତ ବିବାହ କରିନାହାଁନ୍ତି ଏବଂ ତାଙ୍କ ଯୋଗୁଁ ସେ ଆଜି ସିଙ୍ଗଲ ଅଛନ୍ତି । କାରଣ ସଲମାନ ରେଖାଙ୍କୁ ବିବାହ କରିବାକୁ ଚାହୁଁଥିଲେ ।

ରେଖା ତାଙ୍କ ଚଳଚ୍ଚିତ୍ର 'ସୁପର ନାନି'ର ପ୍ରମୋସନ ପାଇଁ ବିଗ୍ ବସ୍‌ରେ ପହଞ୍ଚିଥିଲେ । ଏହି ସମୟରେ ରେଖା ଶୋ’ରେ କହିଥିଲେ, ଯେତେବେଳେ ସଲମାନ କିଶୋର ଥିଲେ, ସେତେବେଳେ ସେ ମୋତେ ପସନ୍ଦ କରୁଥିଲେ। ସେହି ସମୟରେ ଆମେ ଦୁହେଁ ପଡୋଶୀ ଥିଲୁ । ଯେତେବେଳେ ମୁଁ ସକାଳ 5:30 ରେ ମର୍ଣ୍ଣିଂ ଓ୍ବାକ୍‌ରେ ଯାଉଥିଲି, ସଲମାନ ସାଇକେଲରେ ମୋତେ ଫଲୋ କରୁଥିଲେ | ସଲମାନ ବାଲକୋନୀରେ ଠିଆ ହୋଇ ମୋତେ ଦେଖୁଥିଲେ ।

ଆହୁରି ମଧ୍ୟ ରେଖା କହିଥିଲେ ଯେ, ସଲମାନ ଖାନ ତାଙ୍କ ସାଙ୍ଗ ସହିତ ମୋ ଯୋଗ କ୍ଲାସରେ ଯୋଗ ଦେଇଥିଲେ । କେବଳ ଏତିକି ନୁହେଁ, ସଲମାନ ଖାନ ଘରେ ସମସ୍ତଙ୍କୁ କହିଥିଲେ ଯେ ଯେବେ ମୁଁ ବଡ ହୋଇଯିବି, ସେବେ ମୁଁ ସେହି ଝିଅକୁ ବିବାହ କରିବି। ମାତ୍ର ଆଜି ବି ସଲମାନ ସିଙ୍ଗଲ ଅଛନ୍ତି ।