ମୁମ୍ବାଇ:ତୁର୍କୀରେ ଟାଇଗର-୩ର ସୁଟିଂ ଜାରି ରଖିଛନ୍ତି ବଲିଉଡ଼ ସୁପରଷ୍ଟାର ସଲମାନ ଖାନ । ବର୍ତ୍ତମାନ ସେ ସେୟାର କରିଥିବା ଏକ ଡ୍ୟାନ୍ସ ଭିଡ଼ିଓ ପ୍ରମାଣିତ କରିଛି ଯେ ସେ ସୁଟିଂର ଭରପୂର ମଜା ନେଉଛନ୍ତି । ସଲମାନ 'ମୁଝସେ ଶାଦି କରୋଗୀ' ଫିଲ୍ମର 'ଜିନେ କେ ହେ ଚାର ଦିନ' ଗୀତରେ ନାଚୁଥିବା ଦେଖିବାକୁ ମିଳିଛି । ତେବେ ଏହି ଭିଡିଓଟି ଆଜି(ସୋମବାର) ସକାଳଠାରୁ ଖୁବ ଭାଇରାଲ ହେବାରେ ଲାଗିଛି ।
ସଲମାନଙ୍କ ଏହି ଡ୍ୟାନ୍ସ ଭିଡ଼ିଓକୁ ଫ୍ୟାନ୍ସମାନେ ଖୁବ ପସନ୍ଦ କରୁଛନ୍ତି । ସଲମାନଙ୍କ ଏହି ଡ୍ୟାନ୍ସ ଭିଡ଼ିଓରେ ଜଣେ ସୋସିଆଲ ମିଡ଼ିଆ ୟୁଜର୍ସ ଲେଖିଛନ୍ତି ଯେ ସଲମାନ ନାଚିବା ସମୟରେ ଖୁବ କ୍ୟୁଟ ଦେଖାଯାଉଛନ୍ତି । ଆଉ ଜଣେ ଲେଖିଛନ୍ତି ଯେ ଦର୍ଶକଙ୍କୁ ମନୋରଞ୍ଜନ ଯୋଗାଇବାରେ ସଲମାନ ସବୁଠୁ ଶ୍ରେଷ୍ଠ । ସେପଟେ ସଲମାନ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ଏକ ଖୁବ ସୁନ୍ଦର ଫଟୋ ସେୟାର କରିଛନ୍ତି । ଯେଉଁଠି ସେ ତୁର୍କୀର କାପାଡୋସିଆଠାରେ ବାଲକୋନିରେ ଠିଆ ହୋଇ ସୂର୍ଯ୍ୟାସ୍ତକୁ ଉପଭୋଗ କରୁଛନ୍ତି ।