ମୁମ୍ବାଇ: ବଲିଉଡର ବିଗେଷ୍ଟ ଷ୍ଟାର ତାଲିକାରେ ସଲମାନ ଖାନ ଅନ୍ୟତମ । ସେ ଲକ୍ଷ ଲକ୍ଷ ଦର୍ଶକଙ୍କ ହୃଦୟ ଜିତିବାରେ ସଫଳ ହୋଇଛନ୍ତି । ସେ କେବେ ମଧ୍ୟ ଫ୍ୟାନ୍ସଙ୍କୁ ନିରାଶ କରନ୍ତି ନାହିଁ । ତେବେ ତାହା ତାଙ୍କ ଫିଲ୍ମ ଜରିଆରେ ହେଉ କିମ୍ବା ବାସ୍ତବ ଜୀବନରେ ହେଉ ।
ଇତିମଧ୍ୟରେ ସଲମାନ ବଲିଉଡରେ 31 ବର୍ଷର ଯାତ୍ରା ପୂରଣ କରିଛନ୍ତି । ଯାହାକୁ ନେଇ ଖୁସି ତାଙ୍କ ଫ୍ୟାନ୍ସ । ଏହି ଅବସରରେ ସଲମାନ ଇନଷ୍ଟାଗ୍ରାମରେ ନିଜ ପିଲା ବେଳର ଏକ ଫଟୋ ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘ଇଣ୍ଡିଆନ ଫିଲ୍ମ ଇଣ୍ଡଷ୍ଟ୍ରିକୁ ଅନେକ ଅନେକ ଧନ୍ୟବାଦ ଆଉ ସେହିମାନଙ୍କୁ ଯିଏ ମୋର 31 ବର୍ଷ ଯାତ୍ରାରେ ସାମିଲ ଅଛନ୍ତି । ଖାସକରି ମୋର ଫ୍ୟାନ୍ସ ଏବଂ ପ୍ରଂଶସକଙ୍କୁ ଯିଏ ମୋର ଯାତ୍ରାକୁ ଶାନଦାର କରିଛନ୍ତି ।’