ମୁମ୍ବାଇ: ସୁପରଷ୍ଟାର ସଲମାନ ଖାନ ଖୁବଶୀଘ୍ର ପରଦାରେ ଭିଣୋଇ ତଥା ଅଭିନେତା ଆୟୁଷ ଶର୍ମାଙ୍କ ସହ ନଜର ଆସିବେ । ବର୍ତ୍ତମାନ ଏହି ଯୋଡି ନିର୍ଦ୍ଦେଶକ ମହେଶ ମାଞ୍ଜରେକରଙ୍କ ଆଗାମୀ ଫିଲ୍ମ ‘ଅନ୍ତିମ-ଦ ଫାଇନାଲ ଟ୍ରୁଥ’ର ସୁଟିଂରେ ବ୍ୟସ୍ତ ଅଛନ୍ତି । ଫିଲ୍ମରେ ସଲମାନ ଶିଖ ପୋଲିସ ଅଫିସର ଭୂମିକାରେ ଅଭିନୟ କରୁଥିବା ବେଳେ ଆୟୁଷ ଜଣେ ଗ୍ୟାଙ୍ଗଷ୍ଟାର ଅବତାରରେ ଦେଖାଯିବେ । ସୋମବାର ଫିଲ୍ମର ଫାଷ୍ଟ ଲୁକ ଟିଜର ଭିଡିଓ ଜାରି କରି ମେକର୍ସ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଛନ୍ତି ।
ଯେଉଁଥିରେ ଆୟୁଷ ଓ ସମଲାନଙ୍କ ଜବରଦସ୍ତ ଫାଇଟ୍ ଦେଖିବାକୁ ମିଳୁଛି । ସର୍ଟଲେସ ଅବତାରରେ ନଜର ଆସୁଛନ୍ତି ଏହି ଯୋଡି । ଦୁଇଜଣଙ୍କ ଏହି ଦମଦାର ଅନ୍ଦାଜ ବର୍ତ୍ତମାନ ସମସ୍ତଙ୍କ ମନ କିଣିବାରେ ଲାଗିଛି ।