ହାଇଦ୍ରାବାଦ: ବଲିଉଡର 'ଦବଙ୍ଗ ଖାନ' ଅର୍ଥାତ୍ ସଲମାନ ଖାନଙ୍କ ପ୍ରଶଂସକଙ୍କ ପାଇଁ ଏକ ବଡ଼ ଖବର ଅଛି । ସଲମାନ ପ୍ରଶଂସକଙ୍କୁ 'ଟାଇଗର -3'ର ରିଲିଜ୍ ତାରିଖ ସମ୍ପର୍କରେ କହିଛନ୍ତି। ଏହାପୂର୍ବରୁ ଅଭିନେତା ତାଙ୍କ ଫିଲ୍ମ 'କଭି ଇଦ୍ କଭି ଦିୱାଲୀ'ର ରିଲିଜ୍ ତାରିଖ କହି ପ୍ରଶଂସକଙ୍କୁ ଏକ ବଡ ଉପହାର ଦେଇଥିଲେ। ଇଦ୍ ଅବସରରେ ଅର୍ଥାତ 2023 ଏପ୍ରିଲ୍ 21 ରେ ଫିଲ୍ମ 'ଟାଇଗର-3' ମୁକ୍ତିଲାଭ କରିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ମନୀଶ ଶର୍ମା।
ତେବେ 2023 ମସିହାରେ ସଲମାନ ପ୍ରଶଂସକମାନଙ୍କୁ 'ଟାଇଗର -3' ଚଳଚ୍ଚିତ୍ର ଦେଖିବାର ସୁଯୋଗ ଦେଉଛନ୍ତି । କେବଳ ଏଇ ଗୋଟିଏ ନୁହେଁ, ପ୍ରଶଂସକମାନେ ଇଦରେ ଫିଲ୍ମ 'ଭାଇ' ମଧ୍ୟ ଦେଖିବାକୁ ପାଇବେ। ଏହି ଚଳଚ୍ଚିତ୍ରରେ ସଲମାନଙ୍କ ସହ ଅଭିନେତା ବିକି କୌଶଲଙ୍କ ପତ୍ନୀ କ୍ୟାଟ୍ରିନା କୈଫ ମୁଖ୍ୟ ଭୂମିକାରେ ଅଭିନୟ କରିବେ। ଏଥି ସହିତ ସଲମାନ ଖାନଙ୍କ ଫିଲ୍ମ 'କଭି ଇଦ୍ କଭି ଦିୱାଲୀ'ର ରିଲିଜ୍ ତାରିଖ ପରିବର୍ତ୍ତନ କରାଯାଇଥିଲା। 2023 ଇଦ୍ ଅବସରରେ ଏହି ଫିଲ୍ମ ରିଲିଜ୍ ହେବାର ଥିଲା । ବର୍ତ୍ତମାନ ଏହି ଚଳଚ୍ଚିତ୍ରଟି ଚଳିତ ବର୍ଷ ଡିସେମ୍ବରେ, ସଲମାନ ଖାନଙ୍କ ଜନ୍ମଦିନ (27 ଡିସେମ୍ବର) ଅବସରରେ ମୁକ୍ତିଲାଭ କରିବ ।