ମୁମ୍ବାଇ: କିଛିଦିନ ପୂର୍ବରୁ ନାଗା ସାଧୁ ଲୁକ ଜରିଆରେ ଚହଳ ସୃଷ୍ଟି କରିଥିବା ସୈଫ ଅଲ୍ଲୀ ଖାନଙ୍କ ଚର୍ଚ୍ଚିତ ଫିଲ୍ମ ‘ଲାଲ କପ୍ତାନ’ର ଜବରଦସ୍ତ ଟ୍ରେଲର ରିଲିଜ ହୋଇଯାଇଛି । ମେକର୍ସ ଏହି ଦମଦାର ଟ୍ରେଲରର ଫାଷ୍ଟ ପାର୍ଟ ରିଲିଜ କରିଛନ୍ତି । ଯାହାର ଟାଇଟଲ ଦିଆଯାଇଛି ‘ଚାପ୍ଟର ୱାନ- ଦ ହଣ୍ଟ’ ।
‘ଲାଲ କପ୍ତାନ’ରେ ସୈଫଙ୍କ ନୂଆ ଅବତାର ନୁହେଁ ବରଂ ତାଙ୍କ ଭୂମିକାର ନାମ ମଧ୍ୟ ନାଗା ସାଧୁ ରଖାଯାଇଛି । ଏହି ଟ୍ରେଲରରେ ସୈଫଙ୍କ ଅବତାର ଦେଖି ତାଙ୍କୁ ଚିହ୍ନିବା ଫ୍ୟାନ୍ସଙ୍କ ପକ୍ଷେ କଷ୍ଟସାଧ୍ୟ ।
1 ମିନିଟ 22 ସେକେଣ୍ଡର ଏହି ଟ୍ରେଲରରେ ସୈଫଙ୍କ ମୁହଁରେ ହିଂସା ଆଉ କ୍ରୋଧ ଦେଖିବାକୁ ମିଳୁଛି । ତାଙ୍କ ମଥାରେ ଲାଲା ଟିକା, ଆଖିରେ କଜଳ ଏବଂ ଚେହେରାରେ ଲାଗିଥିବା ଭସ୍ମରୁ ଟ୍ରେଲରଟି ଆରମ୍ଭ ହେଉଛି । ଆଉ ତାଙ୍କ ଆଖିରେ ଭାସୁଥିବା ଗୋଟିଏ ପ୍ରଶ୍ନ ଟ୍ରେଲରକୁ ଖୁବ୍ ଆକର୍ଷଣୀୟ କରୁଛି ।
ଖାଲି ଏତିକି ନୁହେଁ ‘ଲାଲ କପ୍ତାନ’ରେ ସୈଫ ଘୋଡାରେ ନିଜ ଶତ୍ରୁକୁ ଟାଣି ଟାଣି ନେଇ ବଦ୍ଧ କରୁଥିବାର ମଧ୍ୟ ନଜର ଆସୁଛନ୍ତି । ପ୍ରକାଶ ଥାଉକି ଅକ୍ଟୋବର 18ରେ ଫିଲ୍ମ ରିଲିଜ ହେବାକୁ ଯାଉଛି । ପୂର୍ବରୁ ଫିଲ୍ମଟି ଅକ୍ଟୋବର 11ରେ ରିଲିଜ କରିଥାଆନ୍ତେ ମେକର୍ସ । କିଛି ସମସ୍ୟା ପାଇଁ ଫିଲ୍ମର ରିଲିଜ ତାରିଖ ଘୁଞ୍ଚାଇ ଦିଆଯାଇଛି ।
‘ଲାଲ କପ୍ତାନ’ ବ୍ୟତୀତ ସୈଫ ନିର୍ଦ୍ଦେଶକ ନିତିନ କକ୍କରଙ୍କ ଆଗାମୀ ଫିଲ୍ମ ‘ଜୱାନୀ ଜାନେମନ’ରେ ମଧ୍ୟ ନଜର ଆସିବେ । ନେଟଫ୍ଲିକ୍ସରେ ପ୍ରସାରିତ ହୋଇସାରିଥିବା ‘ସାକ୍ରେଡ ଗେମ୍ସ’ ଜରିଆରେ ପପୁଲାର ହୋଇସାରିଛନ୍ତି ସୈଫ ।
