ମୁମ୍ବାଇ: ବି-ଟାଉନର ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ ଓ କ୍ୟୁଟ ଅଭିନେତା କାର୍ତ୍ତିକ ଆର୍ୟନଙ୍କ ଚର୍ଚ୍ଚିତ ଫିଲ୍ମ ‘ଲଭ ଆଜକଲ’ର ଜବରଦସ୍ତ ଟ୍ରେଲର ଶୁକ୍ରବାର ରିଲିଜ ହୋଇଯାଇଛି । ବର୍ତ୍ତମାନ ଟ୍ରେଲରକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିବାରେ ଲାଗିଛି। ଇତିମଧ୍ୟରେ ସାରାଙ୍କ ପିତା ତଥା ଫେମସ ଅଭିନେତା ସୈଫ ଅଲ୍ଲୀ ଖାନ ଲାଡଲୀଙ୍କ ଫିଲ୍ମ ଟ୍ରେଲର ଦେଖି ମଜାଦାର ପ୍ରତିକ୍ରିୟା ଦେଇଛନ୍ତି। ଇମତିଆଜ ଅଲ୍ଲୀଙ୍କ ଏହି ରୋମାଣ୍ଟି ଡ୍ରାମା ଫିଲ୍ମର ପ୍ରଥମ ଭାଗରେ ସୈଫ ଓ ଦୀପିକା ପାଦୁକୋନ ଅଭିନୟ କରିଥିଲେ। ଯାହା 2009ରେ ରିଲିଜ ହୋଇଥିଲା।
ସାରାଙ୍କ ଫିଲ୍ମ ଟ୍ରେଲର ଦେଖି ସୈଫଙ୍କ ଅଜବ ପ୍ରତିକ୍ରିୟା
2009ରେ ଦର୍ଶକ ଦେଖିଥିଲେ ଭିନ୍ନ ପ୍ରେମକାହାଣୀଭରା ଫିଲ୍ମ ‘ଲଭ ଆଜକଲ’। ଆଉ ଏବର୍ଷ ଭାଲେଣ୍ଟାଇନ ଡେରେ ଦେଖିବାକୁ ଯାଉଛନ୍ତି ଏହାର ସିକ୍ବେଲ ଫିଲ୍ମ ‘ଲଭ ଆଜକଲ’ ରେ ଅଜବ-ଗଜବ ଲଭଷ୍ଟୋରି। ଯାହାର ରୋମାଣ୍ଟିକ ଟ୍ରେଲର ଶୁକ୍ରବାର ରିଲିଜ ହୋଇଯାଇଛି।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସାରା ଅଲ୍ଲୀ ଖାନ ଫ୍ୟାନକ୍ଲବ
ଏକ ସାକ୍ଷାତକାରରେ ସୈଫଙ୍କୁ ସାରାଙ୍କ ‘ଲଭ ଆଜକଲ’ ଟ୍ରେଲର ବିଷୟରେ ପ୍ରଶ୍ନ କରାଯାଇଥିଲା। ଏହାର ଜବାବରେ ସେ କହିଥିଲେ କି ଫିଲ୍ମର ଟ୍ରେଲର ସେ ଦେଖିଛନ୍ତି। ହେଲେ ତାଙ୍କ ଫିଲ୍ମ ‘ଲଭ ଆଜକଲ’ର ଟ୍ରେଲର ସିକ୍ବେଲ ଟ୍ରେଲର ଠାରୁ ଅଧିକ ଶାନଦାର ହୋଇଥିଲା।
ଏହାବ୍ୟତୀତ ସେ ସାରାଙ୍କ ସହ ‘ଲଭ ଆଜକଲ’ ଟିମକୁ ଶୁଭେଚ୍ଛା ମଧ୍ୟ ଜଣାଇଥିଲେ। ଯଦି ଫିଲ୍ମର ଟ୍ରେଲର ବିଷୟରେ କଥା ହେବା ତେବେ ଦୁଇଟି ଯୁଗର ପ୍ରେମ କାହାଣୀକୁ ଏଥିରେ ପର୍ଯ୍ୟବେସିତ କରାଯାଇଛି। ଗୋଟିଏ ପଟେ 2020ର ଲଭ ଷ୍ଟୋରି ଦେଖିବାକୁ ମିଳୁଥିବା ବେଳେ ଆଉ ଗୋଟିଏ ପଟେ 1990 ମସିହାର ସ୍କୁଲ ପ୍ରେମ କାହାଣୀ। 2020 ଲଭ ଷ୍ଟୋରୀରେ କାର୍ତ୍ତିକଙ୍କ ଗାର୍ଲଫ୍ରେଣ୍ଡ ସାରା ନଜର ଆସୁଛନ୍ତି । ସେହିପରି 1990 ପ୍ରେମ କାହାଣୀରେ ଆରୁଷି ଶର୍ମା ଓ କାର୍ତ୍ତକଙ୍କ ରୋମାନ୍ସ ଦେଖିବାକୁ ମିଳୁଛି। ଆସନ୍ତା ପ୍ରେମ ଦିବସରେ ରିଲିଜ ହେବ ଫିଲ୍ମ।