ହାଇଦ୍ରାବାଦ:ମାର୍ଚ୍ଚ 25 ରେ ସାରା ବିଶ୍ୱରେ ମୁକ୍ତିଲାଭ କରିଥିବା ଏସ୍.ଏସ୍ ରାଜାମୌଲୀଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ'RRR' ବକ୍ସ ଅଫିସରେ ନୂଆ ରେକର୍ଡ ସୃଷ୍ଟି କରୁଛି। ଏହି ଚଳଚ୍ଚିତ୍ରଟି ପ୍ରଥମ ସପ୍ତାହ ଶେଷରେ ଅର୍ଥାତ୍ ତିନି ଦିନରେ 500 କୋଟିରୁ ଅଧିକ ଟଙ୍କା ଆୟ କରି ବିଶ୍ବବ୍ୟାପୀ ଏକ ଇତିହାସ ସୃଷ୍ଟି କରିଛି । 550 କୋଟିରୁ ଅଧିକ ବଜେଟରେ ନିର୍ମିତ 'RRR' ତିନି ଦିନ ମଧ୍ୟରେ ସାରା ବିଶ୍ୱରେ ଆୟ କରିଥିବା ପ୍ରଥମ ଭାରତୀୟ ଚଳଚ୍ଚିତ୍ର ହୋଇପାରିଛି ।
'RRR' ତିନି ଦିନରେ 500 କୋଟି ପାର୍
ତରଣ ଆଦର୍ଶ ଏହି ପୋଷ୍ଟକୁ ସେୟାର କରି କହିଛନ୍ତି ଯେ 'ଆରଆରଆର' ଭାରତର ସବୁଠୁ ବଡ ବ୍ଲକବଷ୍ଟର ଫିଲ୍ମ ହୋଇଯାଇଛି। ତିନି ଦିନ ମଧ୍ୟରେ ସାରା ବିଶ୍ୱରେ 500 କୋଟିରୁ ଅଧିକ ବ୍ୟବସାୟ କରି ଏହି ଚଳଚ୍ଚିତ୍ର ଏକ ନୂଆ ବେଞ୍ଚମାର୍କ ସେଟ କରିଦେଇଛି । ଖବର ଅନୁଯାୟୀ, ଜୁନିୟର ଏନଟିଆର ଓ ରାମଚରଣ ଷ୍ଟାରର ଏବଂ ଏସଏସ ରାଜାମୌଲୀଙ୍କ ଦ୍ବାରା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ତୃତୀୟ ଦିନ (ରବିବାର) ରେ 130 କୋଟିରୁ ଅଧିକ କଲେକ୍ସନ କରିଛି। ଏହାପୂର୍ବରୁ ଏହି ଚଳଚ୍ଚିତ୍ର ଦ୍ୱିତୀୟ ଦିନରେ (ଶନିବାର) 114.38 କୋଟି ଏବଂ ଉଦଘାଟନୀ ଦିନ (ଶୁକ୍ରବାର) ରେ 257.15 କୋଟି ଟଙ୍କା ବ୍ୟବସାୟ କରିଥିଲା।