କ୍ୟାଟଙ୍କୁ କମେଣ୍ଟ କରି ହଟହଟା ରୋହିତ

ସୋସିଆଲ ମିଡିଆରେ ହଟହଟା ହେଲେ ନିର୍ଦ୍ଦେଶକ ରୋହିତ ସେଟ୍ଟୀ। ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫଙ୍କ ଉପରେ ଅପମାନଜନ କମେଣ୍ଟ କରି ଟ୍ରୋଲର୍ସଙ୍କ ଟାର୍ଗେଟରେ ସେ।

ମୁମ୍ବାଇ: ବି-ଟାଉନର ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ ବର୍ତ୍ତମାନ ନିଜ ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ ପ୍ରମୋଶନରେ ଖୁବ୍ ବ୍ୟସ୍ତ। ଫିଲ୍ମରେ ଖିଲାଡି ଅକ୍ଷୟ କୁମାର, କ୍ୟାଟ୍ରିନା କୈଫ ମୁଖ୍ୟ ଭୂମିକାରେ ନଜର ଆସିବେ। ସେହିପରି ଏହି ଦୁଇ ଷ୍ଟାରଙ୍କ ବ୍ୟତୀତ ଫିଲ୍ମରେ ଅତିଥି କଳାକାର ରୂପେ ବି-ଟାଉନର ସିଂଘମ ଅଜୟ ଦେବଗନ ଓ ସିମ୍ବା ରଣବୀର ସିଂ ଦେଖାଯିବେ। ଅକ୍ଷୟଙ୍କ ସହ ଏହି ଦୁଇ ଷ୍ଟାର ଆକ୍ସନର ତଡକା ଲଗାଇବେ। ଫିଲ୍ମ ଟ୍ରେଲରରେ ଏହାର ଝଲକ ଦେଖିସାରିଛନ୍ତି ଦର୍ଶକ।

ଇତିମଧ୍ୟରେ ରୋହିତଙ୍କୁ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଟ୍ରୋଲ କରାଯାଉଛି। କ୍ୟାଟ୍ରିନାଙ୍କ ଉପରେ ତାଙ୍କ କମେଣ୍ଟକୁ ଆଧାର କରି ଟ୍ରୋଲର୍ସ ତାଙ୍କୁ ଟ୍ରୋଲ କରିବାରେ ଲାଗିଛନ୍ତି । ଏବେ ସୋସିଆଲ ମିଡିଆରେ ‘ହ୍ୟାଶଟ୍ୟାଗ ସେମ ଅନ ୟୁ ରୋହିତ’ ମଧ୍ୟ ଟ୍ରେଣ୍ଡ କରୁଛି।

କଥାଟି ହେଲା ଯେ ରୋହିତ ‘ସୂର୍ଯ୍ୟବଂଶୀ’ ପ୍ରମୋଶନ ସମୟରେ କହିଥିଲେ ଅଜୟ, ଅକ୍ଷୟ ଓ ରଣବୀର ଭଳି ଅଭିନେତା ଯଦି ଫିଲ୍ମରେ ଏକାଠି ନଜର ଆସିବେ, ତେବେ କେହି ମଧ୍ୟ ଅଭିନେତ୍ରୀଙ୍କୁ ଦେଖିବେ ନାହିଁ। ତାଙ୍କର ଏପରି କମେଣ୍ଟରେ ଜଣେ ୟୁଜର ପ୍ରତିକ୍ରିୟା ଦେଇ ଲେଖିଛନ୍ତି, ‘ଆପଣ ମହିଳାଙ୍କ ସମ୍ମାନ କରିପାରିବେ ନାହିଁ କି, ଭାବିଚିନ୍ତି କୁହନ୍ତୁ।’ ସେହିପରି ଆଉ ଜଣେ ୟୁଜର ଲେଖିଛନ୍ତି, ‘କ୍ୟାଟ୍ରିନା 14-15 ବର୍ଷ ବୟସରୁ କାମ କରୁଛନ୍ତି। ସେ ମଧ୍ୟ ବଲିଉଡର ଫିମେଲ ସୁପରଷ୍ଟାର, ତାଙ୍କୁ ଏପରି କହିବା ଅପମାନଜନକ।’