ଆୱାର୍ଡ ଶୋକୁ ଫେକ କହିଲେ ସିମ୍ବା ନିର୍ଦ୍ଦେଶକ

ବଲିଉଡର ଲୋକପ୍ରିୟ ନିର୍ଦ୍ଦେଶକ ରୋହିତ ସେଟ୍ଟୀଙ୍କ ଅପକମିଂ ଫିଲ୍ମ ‘ସୂର୍ଯ୍ୟବଂଶୀ’ର ସୁଟିଂ ଜୋରସୋରରେ ଚାଲିଛି । ଫିଲ୍ମରେ ମୁଖ୍ୟ ଭୂମିକାରେ ଖିଲାଡି ଅକ୍ଷୟ କୁମାର ଓ କ୍ୟାଟ୍ରିନା କୈଫ ନଜର ଆସିବେ । ଇତିମଧ୍ୟରେ ଆୱାର୍ଡ ଶୋ ବିଷୟରେ ଆଶ୍ଚର୍ଯ୍ୟକର କଥା କହି ଚର୍ଚ୍ଚାରେ ରୋହିତ ସେଟ୍ଟୀ ।

ମୁମ୍ବାଇ: ଫେମସ ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ ବକ୍ସ ଅଫିସରେ ଅନେକ ସୁପରହିଟ୍ ଫିଲ୍ମ ବଲିଉଡକୁ ଦେଇସାରିଛନ୍ତି । ତାଙ୍କ ହିଟ୍ ଫିଲ୍ମ ତାଲିକାରେ ‘ଗୋଲମାଲ’ ସିରିଜ, ‘ସିଂଘମ’ ସିରିଜ ଓ ‘ଚେନ୍ନାଇ ଏକ୍ସପ୍ରେସ’ ଭଳି ଫିଲ୍ମ ସାମିଲ ଅଛି । ବଲିଉଡର ଅନେକ ଇଭେଣ୍ଟରେ ନଜର ଆସୁଥିବା ରୋହିତ ନିକଟରେ ଏମିତି ଏକ କଥା କହିଥିଲେ । ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ ।

ସେ ବଲିଉଡରେ ଆୟୋଜିତ ହେଉଥିବା ଆୱାର୍ଡ ଫଙ୍କଶନକୁ ଫେକ କହିଥିଲେ । ଏକ ଇଭେଣ୍ଟରେ ପହଞ୍ଚିଥିବା ରୋହିତ କହିଥିଲେ କି ସେ କୌଣସି ଆୱାର୍ଡ ଶୋରେ ସେହି ସମୟରେ ଯୋଗ ଦିଅନ୍ତି ଯେବେ ତାଙ୍କୁ ଶୋ ହୋଷ୍ଟ କରିବା ପାଇଁ ଟଙ୍କା ଆଉ ତାଙ୍କ ଫିଲ୍ମକୁ ଆୱାର୍ଡ ମିଳେ । ନହେଲେ ସେ କେବେ ମଧ୍ୟ କୌଣସି ଆୱାର୍ଡ ଶୋରେ ଯୋଗ ଦିଅନ୍ତି ନାହିଁ । କାରଣ ଏହା ସମ୍ପୂର୍ଣ୍ଣ ରୂପେ ଫେକ ଆଉ ଟିଭି ଶୋ ପରିକା ।

ସେମିତି ଦେଖିବାକୁ ଗଲେ ଆୱାର୍ଡ ଶୋ ଉପରେ ବିବାଦ ହେବା କୌଣସି ନୂଆ କଥା ନୁହେଁ । ନିକଟରେ କ୍ୟୁଟ ଅଭିନେତା ଶାହିଦ କପୁର ଏକ ଆୱାର୍ଡ ଶୋରେ ପରଫର୍ମ କରିବାକୁ ଶେଷ ସମୟରେ ମନା କରିଦେଇଥିଲେ । କାରଣ ତାଙ୍କୁ ଜଣାପଡିଥିଲା ଯେ ବେଷ୍ଟ ଆକ୍ଟର ଆୱାର୍ଡ ‘କବୀର ସିଂ’ ପାଇଁ ନୁହେଁ ବରଂ ରଣବୀର ସିଂଙ୍କୁ ‘ଗଲି ବୟ’ ପାଇଁ ମିଳିବାକୁ ଯାଉଛି । ଖାଲି ଏତିକି ନୁହେଁ ସେ ଶୋ ଛାଡି ପଳାଇଥିଲେ ।