ମୁମ୍ବାଇ: ଯେବେ ମଧ୍ୟ ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ ଓ ସିଂଘମ ଅଜୟ ଦେବଗନଙ୍କ ଯୋଡି ପରଦାରେ ନଜର ଆସିଛନ୍ତି, ତେବେ ଦର୍ଶକଙ୍କୁ ଜବରଦସ୍ତ ଏଣ୍ଟରଟେନମଣ୍ଟ ମିଳିଛି । ତାହା ଆକ୍ସନ ସିକ୍ବେନ୍ସ ‘ସିଂଘମ’ ହେଉ କିମ୍ବା କମେଡି ସିକ୍ବେନ୍ସ ‘ଗୋଲମାଲ’ ସିରିଜ ହେଉ । ଏହି ଫିଲ୍ମ ଗୁଡିକକୁ ଦର୍ଶକଙ୍କ ଖୁବ୍ ପ୍ରେମ ମିଳିଛି । ଏବେ ପୁଣିଥରେ ଏହି ଦମଦାର ଯୋଡି ଦର୍ଶକଙ୍କୁ ହସାଇବା ପାଇଁ ପ୍ରସ୍ତୁତ।
ପୁଣି ଅଜୟ-ରୋହିତଙ୍କ ଯୋଡି, ହସି ହସି ବେହାଲ ହେବେ ଦର୍ଶକ
ଘୋଷଣା ହେଲା ‘ଗୋଲମାଲ’ ଫ୍ରାଞ୍ଚାଇଜର ପଞ୍ଚମ ସଂସ୍କରଣ ‘ଗୋଲମାଲ 5’ । ପୁଣି ପରଦାରେ ଅଜୟ ଓ ରୋହିତ ସେଟ୍ଟୀଙ୍କ ଯୋଡି କରିବ କମାଲ।
ଫଟୋ ସୌଜନ୍ୟ: ଟ୍ବିଟର@ତରଣ ଆଦର୍ଶ
ଆଜ୍ଞା ହଁ, ଶନିବାର ରୋହିତ ନିଜ ପ୍ରଶଂସକଙ୍କ ପାଇଁ ବଡ ଘୋଷଣା କରି ଚର୍ଚ୍ଚାରେ ଆସିଛନ୍ତି । 2014 ପରେ ପୁଣି ଅଜୟ ଷ୍ଟାରର ଫ୍ରାଞ୍ଚାଇଜ ‘ଗୋଲମାଲ’ର 5ତମ ସଂସ୍କରଣ ଆଣିବାକୁ ଅଣ୍ଟା ଭିଡିସାରିଲେଣି ରୋହିତ। ଦର୍ଶକଙ୍କୁ ଏହାର ସୂଚନା ଫିଲ୍ମ କ୍ରିଟିକ ଓ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ବିଟରରେ ଦେଇଛନ୍ତି। ସେ ଟ୍ବିଟ କରି ଲେଖିଛନ୍ତି, ‘ଏହି ଆଗାମୀ ଫିଲ୍ମକୁ ରିଲାଏନ୍ସ ଏଣ୍ଟରଟେନମେଣ୍ଟ ଓ ରୋହିତ ମିଶି ପ୍ରଯୋଜିତ କରିବେ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ମଧ୍ୟ ରୋହିତ ତୁଲାଇବେ।’
ପ୍ରକାଶ ଥାଉକି ରୋହିତ ବର୍ତ୍ତମାନ ବହୁପ୍ରତିକ୍ଷିତ ଫିଲ୍ମ ‘ସୂର୍ଯ୍ୟବଂଶୀ’ର ସୁଟିଂରେ ଖୁବ୍ ବ୍ୟସ୍ତ । ଯେଉଁଥିରେ ଦର୍ଶକ ଖିଲାଡି ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କୁ ମୁଖ୍ୟ ଭୂମିକାରେ ଦେଖିବାକୁ ପାଇବେ । ଏହା ଏକ ଆକ୍ସନ ଫିଲ୍ମ । ଯାହାକୁ ନେଇ ଦୀର୍ଘ ସମୟରୁ ଏକ୍ସାଇଟେଡ ଦର୍ଶକ । ଏହାର ସୁଟିଂ ଶେଷ କରି ରୋହିତ ‘ଗୋଲମାଲ 5’ର ସୁଟିଂ ଆରମ୍ଭ କରିବାର ପ୍ଲାନିଂ କରିବେ । ରୋହିତଙ୍କ ଏହି ଘୋଷଣାରେ ଖୁସି ହୋଇଯାଇଛନ୍ତି ଦର୍ଶକ ।