ମୁମ୍ବାଇ: ଫେମସ ଅଭିନେତା ରିତେଶ ଦେଶମୁଖ ଫିଲ୍ମରେ ଜବରଦସ୍ତ କମେଡି କରି ଦର୍ଶକଙ୍କ ମନ କିଣିଥାଆନ୍ତି । କିଛି ଦିନ ପୂର୍ବରୁ ସେ ନିଜ ନୂଆ ଲୁକ ପାଇଁ ଚର୍ଚ୍ଚାରେ ଆସିଥିଲେ। ସେ ଫ୍ରେଞ୍ଚ ରିକର୍ଡ ପ୍ରଯୋଜକ ଡିଜେ ସ୍ନେକଙ୍କ ଭଳି ନିଜ ହେୟାରଷ୍ଟାଇଲ କରିଛନ୍ତି । ଯାହାକୁ ନେଇ ସେ ଟ୍ରୋଲର୍ସଙ୍କ ସାମ୍ନା ମଧ୍ୟ କରିଥିଲେ । ଇତିମଧ୍ୟରେ ସେ ନିଜ ନୂଆ ଟିକ ଟକ ଭିଡିଓକୁ ନେଇ ଚର୍ଚ୍ଚାରେ। ଯେଉଁଥିରେ ସେ ହିନ୍ଦୁ-ମୁସଲମାନ ଏକତା ବିଷୟରେ ବାର୍ତ୍ତା ଦେଉଥିବାର ନଜର ଆସୁଛନ୍ତି ।
ହିନ୍ଦୁ-ମୁସଲମାନ ଭାଇଚାରା ବାର୍ତ୍ତା ଦେଲେ ରିତେଶ, ଭିଡିଓ ଭାଇରାଲ - ରିତେଶ ଦେଶମୁଖଙ୍କ ନୂଆ ଟିକଟକ ଭିଡିଓ
ସୋସିଆଲ ମିଡିଆରେ ଭାଇରାଲ ହେଲା ରିତେଶ ଦେଶମୁଖଙ୍କ ନୂଆ ଭିଡିଓ । ଏଥର ସେ କୌଣସି କମେଡି କରିନାହାଁନ୍ତି ବରଂ ହିନ୍ଦୁ-ମୁସଲମାନ ଏକତାକୁ ନେଇ ଦେଶବାସୀଙ୍କୁ ଶାନଦାର ବାର୍ତ୍ତା ଦେଇଛନ୍ତି ।
ଫଟୋ ସୌଜନ୍ୟ:ଇନଷ୍ଟାଗ୍ରାମ@ରିତେଶ ଦେଶମୁଖ
ସେ ମଙ୍ଗଳବାର ନିଜ ଇନଷ୍ଟାଗ୍ରାମରେ ଭିଡିଓ ସେୟାର କରି ହିନ୍ଦୁ-ମୁସଲମାନ ଏକତା ଉପରେ ଏକ ଗୀତ ଗାଇଛନ୍ତି। ଏହି ଗୀତଟି ‘ବ୍ୟାଙ୍ଗିସ୍ତାନ’ ଫିଲ୍ମର। ଯେଉଁଥିରେ ସେ ମୁସଲମାନ ଭୂମିକାରେ ନଜର ଆସିଥିଲେ। ବର୍ତ୍ତମାନ ଦେଶରେ ଚାଲିଥିବା ଖରାପ ପରିସ୍ଥିତିକୁ ନେଇ ଏପରି ଭିଡିଓ ପୋଷ୍ଟ କରିଛନ୍ତି ରିତେଶ। ସୋସିଆଲ ମିଡିଆରେ ଏହି ଭିଡିଓଟିକୁ ଖୁବ୍ ଶାନଦାର ପ୍ରତିକ୍ରିୟା ମିଳିବାରେ ଲାଗିଛି। ଏହାସହ ସବୁ ଧର୍ମକୁ ସମ୍ମାନ ଦେବାକୁ ମଧ୍ୟ ଅନେକ ପ୍ରଶଂସକ କହିଛନ୍ତି।
ପ୍ରକାଶ ଥାଉକି ଗତ ସପ୍ତାହରେ ରିତେଶ ନିଜ କେଶକୁ ଟ୍ରିମ କରିଥିଲେ । ଯାହାର ଭିଡିଓ ସେ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରି କ୍ୟାପସନରେ ଲେଖିଥିଲେ, ‘ଭିତରର ବାଗି।’ ତାଙ୍କ ଏହି ଫଟୋ ଉପରେ ଅଭିଷେକ ବଚ୍ଚନ ଓ କରଣ ଜୋହର ମଧ୍ୟ କମେଣ୍ଟ କରିଥିଲେ।