ହାଇଦ୍ରାବାଦ:ଆଉ ନାହାନ୍ତିବଲିଉଡର ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ତଥା ଗାୟକ ବାପି ଲାହିରି। ୬୯ ବର୍ଷ ବୟସରେ ମୁମ୍ବାଇର ଏକ ଘରୋଇ ହସ୍ପିଟାଲରେ ଗତକାଲି ବିଳମ୍ବିତ ରାତିରେ ସେ ଶେଷ ନିଃଶ୍ବାସ ତ୍ୟାଗ କରିଛନ୍ତି । ଭାରତୀୟ ସିନେପ୍ରେମୀଙ୍କ ମଧ୍ୟରେ ଡିସ୍କୋ କିଙ୍ଗ ଭାବେ ପରିଚିତ ବାପି ଲାହିରି ଅନେକ ଲୋକପ୍ରିୟ ଗୀତ ଭେଟି ଦେବା ସହ ନିଜର ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିଲେ । ମୁଖ୍ୟତଃ ୮୦ ଓ ୯୦ ଦଶକରେ ବଲିଉଡରେ ରାଜ୍ କରିଥିଲେ ବାପି ଦା’। ସୁପରହିଟ୍ ଫିଲ୍ମ ‘ଚଲତେ ଚଲତେ’, ‘ଡିସ୍କୋ ଡ୍ୟାନ୍ସର’, ‘ଶରାବୀ’ ଓ ‘ନମକ ହଲାଲ’ ଭଳି ଫିଲ୍ମରେ ମ୍ୟୁଜିକ ଦେଇ ବେଶ୍ ଲୋକପ୍ରିୟତା ସାଉଣ୍ଟିଥିଲେ ବାପି ଦା’। ଆଜି ତାଙ୍କ ଦେହାନ୍ତରେ ଫିଲ୍ମ ଜଗତରେ ଶୋକର ଛାୟା ଖେଳି ଯାଇଛି । ଅକ୍ଷୟଙ୍କଠାରୁ ଆରମ୍ଭ କରି ଅଜୟ ଦେବଗନଙ୍କ ପର୍ଯ୍ୟନ୍ତ ଅନେକ ସେଲିବ୍ରିଟି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
ସେ ସର୍ବଦା କିମ୍ବଦନ୍ତୀ ରହିବେ
ବାପି ଲାହିରିଙ୍କ ଦେହାନ୍ତ ଖବର ପାଇ ଗାୟକ ତଥା ସଙ୍ଗୀତକାର ବିଶାଲ ଦଦଲାନି ଚକିତ ହୋଇଯାଇଛନ୍ତି । ବିଶାଲ ସା ରେ ଗା ମା ପା ସେଟରୁ ଲାହିରିଙ୍କ ସହ ଏକ ପୁରୁଣା ଫଟୋ ସେୟାର କରି ଲେଖିଛନ୍ତି, ମୁଁ ଏକ ପାରସ୍ପରିକ ପ୍ରେମ ଏବଂ ସମ୍ମାନ ସେୟାର କରିଛି ଏବଂ ମୁଁ କୃତଜ୍ଞ ଯେ ବିଶାଲ-ଶେଖର ପ୍ରଥମ ସଂଗୀତକାର ଥିଲେ, ଯାହାକୁ ସେ ତାଙ୍କ ଗୀତକୁ ବାହାରେ ଗାଇଥିଲେ।
ହିନ୍ଦୀ ସିନେମାର ଡିସ୍କୋ କିଙ୍ଗ ବାପି ଲାହିରି
ଭେଟେରାନ୍ ସଙ୍ଗୀତକାର ତଥା ଗାୟକ ବାପି ଲାହିରିଙ୍କ ଦେହାନ୍ତରେ ଖ୍ୟାତନାମା ସଙ୍ଗୀତ ନିର୍ଦେଶକ ଏଆର୍ ରହମାନ୍ ସମବେଦନା ଜଣାଇଛନ୍ତି । ରହମାନ ଟ୍ବିଟ୍ କରି କହିଛନ୍ତି, "# RIPBappida ... ହିନ୍ଦୀ ସିନେମାର ଡିସ୍କୋ କିଙ୍ଗ ବାପି ଲାହିରି।"
ଆଜି ଆମେ ଆଉ ଏକ ରତ୍ନ ହରାଇଲୁ
ବଲିଉଡ ସୁପରଷ୍ଟାର ଅକ୍ଷୟ କୁମାର ବାପି ଲାହିରିଙ୍କୁ ସଙ୍ଗୀତ ମାଧ୍ୟମରେ ଆଣିଥିବା ସମସ୍ତ ଖୁସି ପାଇଁ ଧନ୍ୟବାଦ ଅର୍ପଣ କରିଛନ୍ତି । ଅକ୍ଷୟ ଟ୍ବିଟ୍ କରି କହିଛନ୍ତି, “ଆଜି ଆମେ ମ୍ୟୁଜିକ୍ ଇଣ୍ଡଷ୍ଟ୍ରିର ଆଉ ଏକ ରତ୍ନ ହରାଇଲୁ… ବାପି ଦା, ତୁମର ସ୍ବର ମୋ ସମେତ ଲକ୍ଷ ଲକ୍ଷ ଲୋକଙ୍କ ନାଚିବାର ଏକ କାରଣ ଥିଲା । ଆପଣ ନିଜ ସଂଗୀତ ମାଧ୍ୟମରେ ଯେଉଁ ବି ଖୁସି ଆମ ଭିତରେ ଆଣିଛନ୍ତି, ସେଥିପାଇଁ ଧନ୍ୟବାଦ । ପରିବାର ପ୍ରତି ମୋର ହୃଦୟରୁ ସମବେଦନା । ଶାନ୍ତି। "