ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ହଠାତ୍ ଏହି ଦୁନିଆ ଛାଡି ଚାଲିଯିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହାକୁ ନେଇ ସମସ୍ତଙ୍କ ମନରେ ପ୍ରଶ୍ନ ଆସୁଛି ଯେ, ସୁଶାନ୍ତ କାହିଁକି ଏମିତି କଲେ?
ସୁଶାନ୍ତଙ୍କ ମୃତ୍ୟୁକୁ ନେଇ କେତେକ କଳ୍ପନା କରୁଛନ୍ତି ଯେ, ସୁଶାନ୍ତ ତାଙ୍କ ବୃତ୍ତିଗତ କ୍ୟାରିଅର ପାଇଁ ଚିନ୍ତିତ ଥିଲେ । ଆଉ କେତେକ କଳ୍ପନା କରୁଛନ୍ତି ଯେ, ତାଙ୍କର କଥିତ ଗର୍ଲଫ୍ରେଣ୍ତ ରିଆ ଚକ୍ରବର୍ତ୍ତୀଙ୍କ ସହିତ ତାଙ୍କର ବିବାଦ ଚାଲିଥିଲା ।
ସୁଶାନ୍ତ ଚାଲିଯିବା ମାତ୍ରେ ତାଙ୍କ ଜୀବନ ସହ ଜଡିତ ଅନେକ ସତ୍ୟ ଖବର ସାମ୍ନାକୁ ଆସୁଛି । ଏହି ସମୟରେ, ସୁଶାନ୍ତଙ୍କ ଗର୍ଲଫ୍ରେଣ୍ତ ରିଆ ଚକ୍ରବର୍ତ୍ତୀଙ୍କ ବିଷୟରେ ଏକ ବଡ଼ ଖବର ସାମ୍ନାକୁ ଆସୁଛି ।
ବାସ୍ତବରେ, ରିଆଙ୍କ ପ୍ରପଟି ଡିଲର ପ୍ରକାଶ କରିଛନ୍ତି ଯେ, ସୁଶାନ୍ତ ଏବଂ ରିଆ ଏକାଠି ଘର ଖୋଜୁଥିଲେ ଏବଂ ଖୁବ୍ ଶୀଘ୍ର ବିବାହ କରିବାକୁ ଯାଉଥିଲେ । ମୁଁ ଏହାଠାରୁ ଅଧିକ କିଛି ଜାଣେ ନାହିଁ ।
ସୁଶାନ୍ତଙ୍କ ଭଡା ଘର ବିଷୟରେ ପଚରାଯିବାରୁ ପ୍ରପଟି ଡିଲର କହିଛନ୍ତି, ନା, ଭଡା ଘରର କୌଣସି ସମସ୍ୟା ନଥିଲା । ସୁଶାନ୍ତଙ୍କର ଲେଟ ନାଇଟ ପାର୍ଟିର ସମସ୍ୟା ଥିଲା । ଏହା ପୂର୍ବରୁ ସୁଶାନ୍ତ ଯେଉଁଠାରେ ରହୁଥିଲେ ସେଠାର ଲୋକ ମଧ୍ୟ ତାଙ୍କର ଲେଟ ନାଇଟ ପାର୍ଟିକୁ ନେଇ ଅଭିଯୋଗ କରିଥିଲେ । ଶେଷରେ ପ୍ରପଟି ଡିଲର କହିଛନ୍ତି, ରିଆ ମୋତେ କହିଥିଲେ ଯେ ମୁଁ ବାନ୍ଦ୍ରା ଘରେ ଦେଖୁଛି ଏବଂ ସୁଶାନ୍ତଙ୍କ ସହ ରହିବି ଏବଂ ଆମେ ଶୀଘ୍ର ବିବାହ କରିବୁ ।
ଏଥିସହ ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ସମ୍ପର୍କୀୟ ରବିବାର ଦିନ ଗଣମାଧ୍ୟମକୁ ପ୍ରକାଶ କରିଛନ୍ତି ଯେ, ଏହି ନଭେମ୍ବରରେ ସୁଶାନ୍ତ ବିବାହ କରିବାକୁ ଯାଉଛନ୍ତି, ଯାହାର ପ୍ରସ୍ତୁତି ଚାଲିଥିଲା ।
ପ୍ରକାଶ ଥାଉ କି, ସୁଶାନ୍ତଙ୍କ ମୃତ୍ୟୁ ପରେ ରିଆ ମଧ୍ୟ ତାଙ୍କୁ ଦେଖିବା ପାଇଁ ଡାକ୍ତରଖାନାରେ ପହଞ୍ଚିଥିଲେ । ରିଆ ଏବଂ ସୁଶାନ୍ତଙ୍କ ଏକାସାଙ୍ଗରେ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଥିଲା ।
