ମୁମ୍ବାଇ: ନିଶାକାରବାର ନେଇ ଅନ୍ୟ ଝିଅଙ୍କ ଉପରେ ଆଙ୍ଗୁଳି ଉଠାଉଥିବା ଅଭିନେତ୍ରୀ ରିଆ ଚକ୍ରବର୍ତ୍ତୀ ଏବେ ଖୋଦ ଏହି ଜାଲରେ ଫସିଛନ୍ତି । ନିଶା କାରବାର ପାଇଁ ଜେଲରେ ଥିବା ଜଣେ ଝିଅ ବିଷୟରେ ଭାଇରାଲ ହେବାରେ ଲାଗିଛି ଅଭିନେତ୍ରୀ ଚକ୍ରବର୍ତ୍ତୀଙ୍କ ଏକ ପୁରୁଣା ଟ୍ବିଟ । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଦ୍ବାରା ରିଆ ଗିରଫ ହେବା ପରେ ତାଙ୍କର ଏହି ଟ୍ବିଟଟି ସୋସିଆଲ ମିଡିଆରେ ସାମ୍ନାକୁ ଆସିଛି । 2009 ମସିହାରେ କରାଯାଇଥିବା ଏହି ଟ୍ବିଟରେ ଡ୍ରଗ୍ସ କାରବାର ପାଇଁ ସାଢେ 4 ବର୍ଷ ଜେଲ ଦଣ୍ଡ ଭୋଗିଥିବା ଜଣେ ଭାରତୀୟ ଝିଅର କାହାଣୀ ଶୁଣିବା ବିଷୟରେ ଉଲ୍ଲେଖ କରାଯାଇଛି ।
ରିଆଙ୍କ ଏହି ଟ୍ବିଟରେ ଲେଖାଯାଇଛି ଯେ, ଜଣେ ଭାରତୀୟ ଝିଅର ଏକ ଅଦ୍ଭୁତ ଭୟାନକ କାହାଣୀ ସାମ୍ନାକୁ ଆସିଛି .... ଯିଏ ନିଶା କାରବାର ପାଇଁ ସାଢେ 4 ବର୍ଷ ଜେଲ ଦଣ୍ଡ ଭୋଗିଥିଲେ ।