ମୁମ୍ବାଇ: ଲକଡାଉନରେ ସମସ୍ତେ ନିଜ ବନ୍ଧୁବାନ୍ଧବ ଓ ସମ୍ପର୍କୀୟଙ୍କୁ ଅଧିକ ସମୟ ଦେଉଛନ୍ତି । ଏଥିପାଇଁ ଭିଡିଓ କଲ ପାଲଟିଛି ଏକ ଶ୍ରେଷ୍ଠ ମାଧ୍ୟମ । ବଲିଉଡ ସେଲିବ୍ରିଟିମାନେ ମଧ୍ୟ ଏଥିରୁ ବାଦ ପଡିନାହାନ୍ତି । ନିକଟରେ ଭିଡିଓ କଲରେ ମଲଙ୍ଗ ଟିମର ହୋଇଛି ରି-ୟୁନିଅନ ।
ଅଭିନେତ୍ରୀ ଦିଶା ପଟ୍ଟାନୀ ଏହାର ଏକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏଥିରେ ମଲଙ୍ଗର ସମସ୍ତ ଷ୍ଟାର ନଜର ଆସିଛନ୍ତି । ଦିଶାଙ୍କ ସହ ଆଦିତ୍ୟ, ଅନୀଲ କପୁର ଓ କୁନାଲ ଖେମୁ ଏକାଠି ହୋଇଛନ୍ତି । ଫଟୋ ସେୟାର କରି ଦିଶା ଲେଖିଛନ୍ତି, ‘ପଜିଟିଭ ଭାଇବ୍ସ । କ୍ବାରେଣ୍ଟାଇନ ରିୟୁନିଅନ ୱିଥ୍ ଫେଭରାଇଟ ବୟଜ ।’ ଭିଡିଓ କଲରେ ସମସ୍ତେ ଯୋଡି ହୋଇଥିବାବେଳେ ଦିଶା ବେଶ ଆଟ୍ରାକ୍ଟିଭ ଦେଖାଯାଉଛନ୍ତି ।