ହାଇଦ୍ରାବାଦ: ସିନେମାରେ ବିବାଦ କିଛି ନୂଆ କଥା ନୁହେଁ । କେତେବେଳେ ନଗ୍ନତାକୁ ନେଇ ତ ଆଉ କେତେବେଳେ କାହାଣୀକୁ ନେଇ । ଅତୀତରେ ଏହିପରି ଅନେକ ସିନେମା ସାମ୍ନାକୁ ଆସିଛି । ପରବର୍ତ୍ତୀ ସମୟରେ ବୟକଟ୍ ମଧ୍ୟ ହୋଇଛି । ମାତ୍ରସିନେମାରେ ଧାର୍ମିକ ଭାବନାକୁ ଆଘାତ ଏକ ଟ୍ରେଣ୍ଡ ହୋଇଗଲାଣି କହିଲେ କିଛି ଭୁଲ୍ ହେବନାହିଁ । କାରଣ ବିଗତ ୫ ବର୍ଷ ମଧ୍ୟରେ ବହୁ ବଲିଉଡ ଚଳଚ୍ଚିତ୍ର ଧାର୍ମିକ ଭାବନାକୁ ଆକ୍ଷେପ କରିବା ଅଭିଯୋଗରେ ବିବାଦୀୟ ହୋଇପଡିଛି । ଏହିପରିପ୍ରେକ୍ଷୀରେ ମ୍ୟୁଜିକ ଭିଡିଓ 'ମଧୁବନ ମେ ରାଧିକା ନାଚେ' ଏବଂ 'ଅତରଙ୍ଗୀ ରେ' କୁ ବୟକଟ୍ ପାଇଁ ଦାବି କରାଯାଉଛି । ପୂର୍ବରୁ ମଧ୍ୟ ବାଜିରାଓ ମସ୍ତାନୀ, ରାମଲୀଲା, ପଦ୍ମାବତ, ପିକେ, ତାଣ୍ଡବ ଆଦି ସିନେମା ବିବାଦୀୟ ହୋଇପଡିଥିଲା ।
ଅତରଙ୍ଗୀ ରେ’ କୁ ବିରୋଧ:-
୨୦୨୧ ସରିବାକୁ ବସିଥିବାବେଳେ ରିଲିଜ ହୋଇଥିଲା ଅତରଙ୍ଗୀ ରେ ଚଳଚ୍ଚିତ୍ର(Atrangi Re Controversy) । ଏଥିରେ ମୁଖ୍ୟ ଭୂମିକାରେ ନଜର ଆସିଥିଲେ ଖିଲାଡି ଷ୍ଟାର ଅକ୍ଷୟ କୁମାର, ଧନୁଷ ଏବଂ ଅଭିନେତ୍ରୀ ସାରା ଅଲ୍ଲୀ ଖାନ୍ । ଡିସେମ୍ବର ୨୪ ରେ OTT ପ୍ଲାଟଫର୍ମ ଡିଜନୀ ପ୍ଲସ ହଟଷ୍ଟାରରେ ସିନେମା ରିଲିଜ୍ ହୋଇଥିଲା । ମାତ୍ର ରିଲିଜ୍ ହେଉ ହେଉ ଲୋକେ ଏହାକୁ ବୟକଟ୍ ପାଇଁ ଦାବି କରିଥିଲେ । କାରଣ ଏଥିରେ ଲଭ୍ ଜିହାଦକୁ ପ୍ରୋତ୍ସାହିତ କରାଯାଉଥିବା ଏବଂ ହିନ୍ଦୁ ଭାବନାକୁ ଆଘାତ ପହଞ୍ଚାଉଥିବା ଅଭିଯୋଗ ହୋଇଥିଲା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ତେବେ ଅକ୍ଷୟ କୁମାର ଏହି ଚଳଚ୍ଚିତ୍ରରେ ଜଣେ ମୁସଲମାନ ପୁରୁଷ ଏବଂ ସାରା ଅଲ୍ଲୀ ଖାନ ଜଣେ ହିନ୍ଦୁ ଚରିତ୍ରରେ ଚିତ୍ରିତ ହୋଇଛନ୍ତି । ଫିଲ୍ମରେ ଅକ୍ଷୟ କୁମାରଙ୍କ ନାଁ ସଜ୍ଜାଦ ଅଲ୍ଲି ଖାନ୍ ଥିବାବେଳେ ସାରା ଅଲ୍ଲି ଖାନ୍ ଜଣେ ହିନ୍ଦୁ ଝିଅ ରିଙ୍କୁ ରଘୁବଂଶୀ ଭୂମିକା ନିଭାଇଛନ୍ତି । ଯିଏ ସଜ୍ଜାଦ ଅଲ୍ଲୀ ଖାନଙ୍କୁ ଭଲପାଉଛନ୍ତି । ପ୍ରତିବାଦ କରୁଥିବା ଲୋକଙ୍କ କହିବା ଅନୁଯାୟୀ, ଫିଲ୍ମର କିଛି ଦୃଶ୍ୟ ହିନ୍ଦୁମାନଙ୍କ ଭାବନାକୁ ଆଘତ ଦେଇଛି । ତେଣୁ ତୁରନ୍ତ ଏହାକୁ ବ୍ୟାନ କରାଯାଉ ।
ମଧୁବନମେ ରାଧିକା ନାଚେ:-
ସେହିପରି ଡିସେମ୍ବର ୨୨ ରେ ରିଲିଜ ହୋଇଥିବା ସନି ଲିଓନିଙ୍କ ମ୍ୟୁଜିକ ଭିଡିଓ 'ମଧୁବନ' ମ୍ୟୁଜିକ ଭିଡିଓ(Madhuban Music Video)କୁ ପ୍ରବଳ ବିରୋଧ କରାଯାଇଥିଲା । ରାଧା ମା' ଙ୍କୁ ହିନ୍ଦୁ ଧର୍ମରେ ଜଣେ ଦେବୀଙ୍କ ସ୍ଥାନରେ ଚିତ୍ରିତ କରାଯାଇ ଥିବାବେଳେ ଭିଡିଓରେ ସନିଙ୍କ ଡାନ୍ସ ହିନ୍ଦୁ ଭାବନାକୁ ଆଘାତ ପହଞ୍ଚାଉଥିବା ଅଭିଯୋଗ ହୋଇଥିଲା । ଏପରିକି ଟ୍ବିଟରେ #Arrest_ Sunny_ Leone ଟ୍ରେଣ୍ଡ କରିଥିଲା । ବହୁ ଧାର୍ମିକ ସଂଗଠନ ଏହାକୁ ହଟାଇବା ପାଇଁ ଦାବି କରି ଥିବାବେଳେ ମଧ୍ୟପ୍ରଦେଶ ଗୃହ ମନ୍ତ୍ରୀ ମଧ୍ୟ ନିର୍ଦ୍ଦେଶକ ଏବଂ ଅଭିନେତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ । ପରେ ମ୍ୟୁଜିକ କମ୍ପାନୀ ସାରେଗାମା(Music Compny Saregama) ମଧୁବନ ଗୀତର ଲିରିକ୍ସ ପରିବର୍ତ୍ତନ କରି ବୋଲି କହିଥିଲା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ତାଣ୍ଡବ:-
2021 ଜାନୁଆରୀରେ ରିଲିଜ ହୋଇଥିବା ୱେବ ସିରିଜ ତାଣ୍ଡବ(Web Series Tandav)କୁ ମଧ୍ୟ ବିରୋଧ କରାଯାଇଥିଲା । ଚଳଚ୍ଚିତ୍ରରେ ହିନ୍ଦୁ ଦେବାଦେବୀଙ୍କୁ ଅପମାନିତ କରାଯାଇଥିବା ଅଭିଯୋଗ ହୋଇଥିଲା । ଏପରିକି ଫିଲ୍ମକୁ ବୟକଟ୍ ଦାବିରେ ଗାଜିଆବାଦର ଲୋନିର ସାଂସଦ ନନ୍ଦକିଶୋର ଗୁର୍ଜର ସୂଚନା ଓ ପ୍ରସାରଣ ମନ୍ତ୍ରୀଙ୍କୁ ଚିଠି ଲେଖିଥିଲେ । ପାକିସ୍ତାନର ନିର୍ଦ୍ଦେଶରେ ୱେବ ସିରିଜରେ ଏଭଳି କାର୍ଯ୍ୟକଳାପ କ୍ରମାଗତ ଭାବେ ଦେଖାଯାଉଛି ବୋଲି ସେ ଅଭିଯୋଗ କରିଥିଲେ ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ପଦ୍ମାବତୀରୁ ପଦ୍ମାବତ:-
୨୦୧୭ ରେ ଚର୍ଚ୍ଚାରେ ଥିଲା ସଞ୍ଜୟ ଲୀଲା ବଂଶାଲିଙ୍କ ପଦ୍ମାବତ(Padmavat) । ଫିଲ୍ମ ରିଲିଜ୍ ପୂର୍ବରୁ ବିବାଦୀୟ ହୋଇପଡିଥିଲା ଏହି ଚଳଚ୍ଚିତ୍ର । ରାଜପୁତ ରାଣୀ ପଦ୍ମାବତୀଙ୍କ ଚରିତ୍ରକୁ ଭୁଲ୍ ଚିତ୍ରିତ କରାଯାଇଥିବା ଦର୍ଶାଇ କରଣୀ ସେନା ଏହାକୁ ତୀବ୍ର ବିରୋଧ କରିଥିଲା । ଗୁଜୁରାଟ, ରାଜସ୍ଥାନ ଏବଂ ମଧ୍ୟପ୍ରଦେଶ ସରକାର ସିନେମାର ରିଲିଜ୍ ଉପରେ ରୋକ୍ ଲଗାଇଥିଲେ । ଏପରିକି ସିନେମାର ମୁଖ୍ୟ ଅଭିନେତ୍ରୀ ଦୀପିକା ପାଦୁକନଙ୍କୁ ହତ୍ୟା ଧମକ ମଧ୍ୟ ମିଳିଥିଲା । ଦେଶବ୍ୟାପୀ ସିନେମାକୁ ତୀବ୍ର ବିରୋଧ ପରେ ଶେଷରେ ପଦ୍ମାବତୀରୁ ନାମ ପରିବର୍ତ୍ତନ କରାଯାଇ ପଦ୍ମାବତ ରଖାଯାଇଥିଲା । ଏପରିକି ଏଥିରୁ କେତେକ ସିନ୍ କୁ ବାଦ୍ ଦିଆଯିବା ପରେ ମଧ୍ୟ ବିବାଦ ମଧ୍ୟରେ ୨୦୧୮ ରେ ଫିଲ୍ମ ରିଲିଜ ହୋଇଥିଲା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ବାଜିରାଓ ମସ୍ତାନୀ:-
୨୦୧୫ ରେ ଚଳଚ୍ଚିତ୍ର ବାଜିରାଓ ମସ୍ତାନୀକୁ ତୀବ୍ର ବିରୋଧ କରାଯାଇଥିଲା । ଏପରିକି ଫିଲ୍ମ ନିର୍ମାତା ସଞ୍ଜୟ ଲୀଲା ବଂଶାଲୀଙ୍କ କୁଶପୁତ୍ତଳିକା ଦାହ କରି ବୟକଟ ଦାବି କରିଥିଲେ କେତେକ ଧାର୍ମିକ ସଂଗଠନ । ବିକ୍ଷୋଭକାରୀଙ୍କ ଦ୍ବାରା ଜାରି କରାଯାଇଥିବା ଏକ ପ୍ରକାଶନରେ ଦର୍ଶାଯାଇଥିଲା ଯେ, ଚଳଚ୍ଚିତ୍ରର ଟ୍ରେଲର ଏବଂ ପ୍ରମୋସନାଲ ଭିଡିଓ ମହାରାଷ୍ଟ୍ର ଏବଂ ବୁନ୍ଦେଲଖଣ୍ଡର ଐତିହାସିକ ବ୍ୟକ୍ତିବିଶେଷଙ୍କୁ ବିକୃତ କରିବା ପାଇଁ ଏକ ପ୍ରୟାସ କରୁଥିବା ପ୍ରମାଣ କରୁଛି । ଏହି ଟ୍ରେଲର ଏବଂ ଆପତ୍ତିଜନକ ବିଷୟବସ୍ତୁକୁ ଚଳଚ୍ଚିତ୍ରରୁ ହଟାଇବାକୁ ଉଲ୍ଲେଖ କରାଯାଇଥିଲା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ବିକ୍ଷୋଭକାରୀ ଇତିହାସର ଏକ ସଂକ୍ଷିପ୍ତ ବିବରଣୀ ଦେଇ କହିଥିଲେ ଯେ, ଯେତେବେଳେ ମହମ୍ମଦ ଶାହା ବଙ୍ଗାଶ ବୁନ୍ଦେଲଖଣ୍ଡ ଉପରେ ଆକ୍ରମଣ କରିଥିଲେ, ସେତେବେଳେ 80 ବର୍ଷ ବୟସ୍କା ଛତ୍ରସାଲ ବୁନ୍ଦେଲା ବାଜିରାଓ ପେଶୱାଙ୍କୁ ଏଥିରେ ହସ୍ତକ୍ଷେପ କରିବାକୁ କହିଥିଲେ । ବାଜିରାଓ ବଙ୍ଗାଶଙ୍କୁ ପରାସ୍ତ କରିଥିଲେ । ଏହାପରେ ବୁନ୍ଦେଲା ତାଙ୍କ କନ୍ୟା ମସ୍ତାନୀଙ୍କୁ ବାଜିରାଓଙ୍କ ସହ ବିବାହ କରାଇଥିଲେ । କିନ୍ତୁ ନିର୍ଦ୍ଦେଶକ ସଞ୍ଜୟ ଲୀଲା ବଂଶାଲୀ କାହାଣୀ ପରିବର୍ତ୍ତନ କରି ଭିନ୍ନ ମୋଡ ଦେଇଛନ୍ତି, ଯାହା ଭାବନାକୁ ଆଘାତ କରୁଛି ବୋଲି ଦାବି କରାଯାଇଥିଲା ।
ଗଲିଓଁ କି ରାସଲୀଲା ରାମଲୀଲା:-
ଦୀପିକା ପାଦୁକୋନ୍ ଏବଂ ରଣଭୀର ସିଂଙ୍କ ଅଭିନୀତ ସଞ୍ଜୟ ଲୀଲା ଭନସାଲୀଙ୍କ ‘ରାମ ଲୀଲା’ ବିରୋଧରେ ଭାରତର ଅନେକ ଧାର୍ମିକ ସଂଗଠନ ଆପତ୍ତି ଉଠାଇଥିଲେ । ଏହାର ଟାଇଟଲ୍ ଏବଂ ଚଳଚ୍ଚିତ୍ରର ଟ୍ରେଲର ପୌରାଣିକ ସନ୍ଦର୍ଭ ଉପରେ ଅନେକଙ୍କ ଭାବନାକୁ ଆଘାତ ଦେଉଥିବା ଅଭିଯୋଗ କରିଥିଲେ । ଫିଲ୍ମକୁ ପ୍ରବଳ ବିରୋଧ କରାଯିବା ସହା ବଏକଟ ଦାବିରେ ଆନ୍ଦୋଳନ ମଧ୍ୟ କରାଯାଇଥିଲା । ଏପରିକି ବଂଶାଲୀଙ୍କ ସମେତ ମୁଖ୍ୟ ଭୂମିକାରେ ଅଭିନୟ କରିଥିବା ଷ୍ଟାରଙ୍କ ବିରୋଧରେ ମାମଲା ଦାୟର ହୋଇଥିଲା । ପରବର୍ତ୍ତୀ ସମୟରେ ଫିଲ୍ମର ଟାଇଟଲ୍ ପରିବର୍ତ୍ତନ କରିଥିଲେ ନିର୍ମାତା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ପିକେ:-
୨୦୧୪ ରେ ରାଜକୁମାର ହିରୀନୀଙ୍କ ପିକେ ଚଳଚ୍ଚିତ୍ରକୁ ନେଇ ବହୁ ବାଦବିବାଦ ଉପୁଜିଥିଲା । ସିନେମାର ହିରୋ ଅମୀର ଖାନଙ୍କ ପୋଷ୍ଟର ଠୁ ଆରମ୍ଭ କରି କାହାଣୀ ସବୁକିଛିକୁ ବିରୋଧ କରିଥିଲେ ଦର୍ଶକ । ଏଥିରେ ହିନ୍ଦୁ ଭାବନାକୁ ଖୋଲା ଖୋଲି ଆକ୍ଷେପ କରାଯାଇଥିଲା । ବିଶେଷ କରି ହିନ୍ଦୁ ଧର୍ମରେ ବିଭିନ୍ନ ଦେବାଦେବୀଙ୍କୁ ପୂଜା କରାଯାଉଥିବାରୁ ଏହାକୁ ଆକ୍ଷେପ କରି ଚିତ୍ରିତ କରାଯାଇଥିବା ଅଭିଯୋଗ ହୋଇଥିଲା ।
ପରଦାରେ ଧାର୍ମିକ ଭାବନାକୁ ଆଘାତ, ବିବାଦରେ ତାରକା ତେବେ କେଉଁ କାରଣରୁ ସିନେମାରେ ବିଶେଷ କରି ହିନ୍ଦୁ ଧର୍ମକୁ ଆକ୍ଷେପ କରାଯାଉଛି ତାକୁ ନେଇ ସୃଷ୍ଟି ହୋଇଛି ବିରାଟ ପ୍ରଶ୍ନ । କଣ୍ଟ୍ରୋଭର୍ସି ମାଧ୍ୟମରେ ସିନେମାକୁ ପ୍ରମୋଟ କରିବା ଏହାର କାରଣ ବୋଲି କେତେକ ମତ ରଖୁଛନ୍ତି । କାରଣ ଯାହା ବି ହେଉ ବଲିଉଡରେ ନଗ୍ନତା ସମେତ ଧାର୍ମିକ ଭାବନାକୁ ଆକ୍ଷେପ ନହେବା ପରି ସିନେମା ନିର୍ମିତ ହେଉ । ଏଥିପ୍ରତି ନିର୍ମାତା, ଅଭିନେତା ସର୍ବୋପରି ସେନ୍ସର ବୋର୍ଡକୁ ଧାୟିତ୍ବବାନ ହେବା ଆବଶ୍ୟକତା ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
