ମୁମ୍ବାଇ: ରିୟାଲିଟି ଶୋ ‘ବିଗବସ 13’ରେ ପ୍ରତିଯୋଗୀ ରୂପେ ନଜର ଆସିଥିଲେ ପଞ୍ଜାବର ଅଭିନେତ୍ରୀ ସେହନାଜ ଗିଲ। ଯାହା ପରଠୁ ତାଙ୍କ ଚାହିଦା ବଢିଚାଲିଛି । ସେପଟେ ଟିଭି ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ସହ ତାଙ୍କ ରିଲେସନଶିପକୁ ନେଇ ମଧ୍ୟ ପ୍ରାୟ ଚର୍ଚ୍ଚାରେ ରହୁଛନ୍ତି । ଆଉ ଖୁବଶୀଘ୍ର ସେ ଫିଲ୍ମରେ ନଜର ଆସିବାକୁ ନେଇ ଚର୍ଚ୍ଚା । ଯାହାକୁ ନେଇ ଉତ୍ସାହିତ ତାଙ୍କ ଫ୍ୟାନ୍ସ ।
ସେହିପରି ନିକଟରେ ତାଙ୍କୁ ମୁମ୍ବାଇ ଏୟାରପୋର୍ଟରେ ଦେଖିବାକୁ ମିଳିଥିଲା । ଶୁଣିବାକୁ ମିଳୁଛି ଯେ ସେ ନିଜର ଆଗାମୀ ଫିଲ୍ମର ସୁଟିଂ ପାଇଁ ଯାତ୍ରା କରିଛନ୍ତି । ହେଲେ ଏଯାବତ ସେ ଫିଲ୍ମକୁ ନେଇ କୌଣସି ଅଧିକାରୀ ଘୋଷଣା କରିନାହାଁନ୍ତି ।